ກອງປະຊຸມໃຫ່ຍຄັ້ງທີ່ III ກຳມະບານຮາກຖານສູນພັດທະນາສີມືແຮງງານ ແຂວງອຸດົມໄຊ ໄດ້ໄຂຂື້ນໃນວັນທີ 26 ມັງກອນ 2023 ນີ້ຢູ່ທີ່ຫ້ອງປະຊຸມຂອງສູນ ພາຍໃຕ້ການເປັນປະທານຂອງ ສະຫາຍ ພູວົງ ອິນທະວົງ ປະທານກຳມະບານຮາກຖານສູນພັດທະນາສີມືແຮງງານແຂວງອຸດົມໄຊ, ໂດຍໃຫ້ກຽດເຂົ້າຮ່ວມມີສະຫາຍ ນາງ ທຸມມາ ປັນຍາສິດ ສະມາຊິກສະພາປະຊາຊົນເຂດເລືອກຕັ້ງເມືອງໄຊ, ຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກຳມະບານ ແຂວງອຸດົມໄຊ, ສະຫາຍ ໄຊທອງ ສຸລິໄຊ ຄະນະໜ່ວຍພັກ ຮອງອຳນວຍການສູນ ຜູ້ຊິ້ນຳວຽກງານອົງການຈັດຕັັ້ງມະຫາຊົນ, ມີແຂກທີ່ຖືກເຊີນຈາກ: ກຳມະບານຮາກຖານໂຮງຮຽນເຕັກນິກວິຊາຊີບແບບປະສົມ ແລະ ຫ້ອງການປະກັນສັງຄົມ, ພ້ອມດ້ວຍຜູ້ແທນສົມບູນຂອງສູນພັດທະນາສີມືແຮງງານ ແຂວງອຸດົມໄຊເຂົ້າຮ່ວມທັງໝົດ 26 ສະຫາຍ,ຍິງ 10 ສະຫາຍ.
ກອງປະຊຸມໄດ້ຮັບຟັງບົດລາຍງານການເມືອງທັງສອງພາກທີ່ນຳສະເໝີໂດຍສະຫາຍ ພູວົງ ອິນທະວົງ ປະທານກຳມະບານຮາກຖານສູນພັດທະນາສີມືແຮງງານ ແຂວງອຸດົມໄຊ ເຊີ່ງເນື້ອໃນໄດ້ຕີລາຄາເຖິງສະພາບການຈັດຕັ້ງປະຕິບັດວຽກງານກຳມະບານໃນໄລຍະ 5 ປີ ຜ່ານມາ ຄະນະກຳມະບານຮາກຖານ, ສະມາຊິກແຕ່ລະສະຫາຍໄດ້ເອົາໃຈໃສ່ເຄື່ອນໄຫວວຽກງານກຳມະບານຢ່າງໃກ້ສິດຕິດແທດ ເປັນຕົ້ນແມ່ນໄດ້ພ້ອມກັນຈັດຕັ້ງຜັນຂະຫຍາຍປະຕິບັດຕາມແຜນການປີ2018-2022, ມະຕິກອງປະຊຸມໃຫ່ຍຄັ້ງທີ່ II ຂັ້ນຂອງຕົນ, ມະຕິກອງປະຊຸມໃຫຍ່ຄັ້ງທີ່ IX ຂອງສະຫະພັນກຳມະບານແຂວງ, ມະຕິກອງປະຊຸມໃຫຍ່ຄັ້ງທີ່ VIII ຂອງສູນກາງສະຫະພັນກຳມະບານລາວພາຍໃຕ້ການຊີ້ນຳ-ນຳພາຂອງຄະນະພັກ.
ສະແດງອອກໃນການສະຫຼຸບຜົນງານໃນໄລຍະ 5 ປີຜ່ານມາ ກໍາມະບານຮາກຖານສູນພັດທະນາສີມືແຮງງານ ແຂວງອຸດົມໄຊ ໄດ້ຖືເອົາວຽກງານສືກສາອົບຮົມ ແນວຄິດ-ການເມືອງ ດ້ວຍການຈັດຕັ້ງເຊື່ອມຊືມບັນດາແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປະຫວັດມູນເຊື້ອສຳຄັນທາງປະຫວັດສາດຂອງພັກ, ຂອງຊາດ,ແລະ ອົງການຈັດຕັ້ງຕ່າງໆ ແລະ ຖືເອົາວຽກງານຈັດຕັ້ງ-ກວດກາ,ວຽກງານປົກປ້ອງສິດຜົນປະໂຫຍດອັນຊອບທຳຂອງສະມາຊິກກຳມະບານ, ວຽກງານຂະບວນການແຂ່ງຂັນແລະຍ້ອງຍໍ, ວຽກງານກອງທຶນ ແລະ ວຽກງານພົວພັນຮ່ວມມືກັບຕ່າງປະເທດ, ດັ່ງນັ້ນ ສະມາຊິກຫຼາຍສະຫາຍຈີ່ງຍາດໄດ້ຜົນງານບຸກຄົນດີເດັ່ນ ແລະ ໄດ້ຮັບການຍ້ອງຍໍຈາກປະທານສະຫະພັນກຳມະບານແຂວງຈຳນວນ 20 ສະຫາຍ, ຍິງ 5 ສະຫາຍ, ໃຫ້ກຽດມອບ ໂດຍສະຫາຍ ນາງ ທຸມມາ ປັນຍາສິດ ຄະນະບໍລິຫານງານ ປະທານສະຫະພັນກຳມະບານແຂວງ.
ກອງປະຊຸມໄດ້ມີການປ່ອນບັດເລືອກຄະນະກຳມະບານຮາກຖານສູນພັດທະນາສີມືແຮງງານແຂວງ (ຊຸດໃໝ່)ໂດຍມີຜູ້ສະມັກຄັດເລືອກ 5 ສະຫາຍ, ຍິງ 01 ສະຫາຍ, ກອງປະຊຸມຄັ້ງປະຖົມມະລຶກໄດ້ເຫັນດີເປັນເອກະພາບເລືອກເອົາ ສະຫາຍ ພູວົງ ອິນທະວົງ ຮອງອຳນວຍການສູນ ເປັນປະທານກຳມະບານຮາກຖານ, ສະຫາຍ ສະຫາຍ ຫົງເງິນ ກອງຊັບ ເປັນຮອງປະທານ ທັງເປັນປະທານກວດກາ, ສະຫາຍ ນາງ ສົມຄິດ ສຸທິຈັກ ເປັນຄະນະ, ພ້ອມທັງແຕ່ງຕັ້ງສະຫາຍ ສີສະຫວັນ ນາມມະວົງ ເປັນຮອງປະທານກວດກາ, ຫຼັງຈາກນັ້ນຄະນະຈັດຕັ້ງໄດ້ຜ່ານມະຕິຕົກລົງຄະນະຮັບຜິດຊອບຂໍ້ແຂ່ງຂັນ 5 ເປັນເຈົ້າ ປະຈຳປີ 2023 ພ້ອມທັງໄດ້ເຊີນຄະນະຮັບຜິດຊອບ ຂື້ນຈັບມືແຂ່ງຂັນກັນເພື່ອສືບຕໍ່ນຳເອົາບັນດາເນື້ອໃນມະຕິກອງປະຊຸມຄັ້ງນີ້ໄປຈັດຕັ້ງພັນຂະຫຍາຍເຂົ້າໃນວຽກງານກຳມະບານຊຸ່ມປີຕໍ່ໜ້າ ໃຫ້ປະກົດຜົນເປັນຈີງ, ເຮັດໜ້າທີ່ເປັນຕົວແທນປົກປ້ອງສິດຜົນປະໂຫຍດອັນຊອບທຳໃຫ້ສະມາຊິກກຳມະບານ,ກຳມະກອນຊາວຜູ້ອອກແຮງງານ ໂດຍຕິດພັນກັບວຽກງານວິຊາສະເພາະຂອງຮາກຖານສູນພັດທະນາສີມືແຮງງານແຂວງ ໃຫ້ໜັກແໜ້ນເຂັ້ມແຂງຂື້ນເລື້ອຍໆ.
ພາບຂ່າວ: ສິນລະໄຊ ເນັ່ງຈື້ມົວ
