ແລະປຸກລະດົມບໍລິຈາກເລືອດເພື່ອຊ່ວຍສັງຄົມ
ສະເຫຼີມສະຫຼອງ ວັນທີ 8 ພຶດສະພາ, ວັນກາແດງ ແລະຊິກວົງເດືອນແດງສາກົນ ປະຈຳປີ 2022 ຕິດພັນກັບການບໍລິຈາກເລືອດຊ່ວຍເຫຼືດສັງຄົມ.
ມາໃນຕອນເຊົ້າ ວັນພະຫັດ, ວັນທີ 12 ພຶດສະພາ 2022 ນີ້ ອົງການກາແດງແຂວງອຸດົມໄຊ ຈຶ່ງໄດ້ສົມທົບກັບຄະນະບໍລິຫານງານຊາວໜຸ່ມແຂວງອຸດົມໄຊ ແລະສູນພັດທະນາສີມືແຮງງານແຂວງອຸດົມໄຊ ພ້ອມກັນຈັດ ພິທີ ສະເຫຼີມສະຫຼອງ ວັນດັ່ງກ່າວຂື້ຢ່າງເປັນທາງການ ຢູ່ທີ່ ສູນພັດທະນາສີມືແຮງງານແຂວງອຸດົມໄຊ
ໂດຍການເປັນປະທານຮ່ວມລະຫວ່າງ ທ່ານ ທອງຈັນ ສຸກສັກດາ ຮອງຫົວໜ້າ ອົງການກາແດງແຂວງ, ທ່ານ ສຸກສະຫວັນ ວົງລ້ອມ ຮອງເລຂາຄະນະບໍລິຫານງານຊາວໜຸ່ມ ແລະທ່ານ ສົມພອນ ນາວຮືວ່າງ ຜູ້ອຳນວຍການສູນພັດທະນາສີມືແຮງງານ ແລະມີ ພະນັກງານ, ຄູອາຈານ ແລະນັກສືກສາຈາກສູນພັດທະນາສີມືແຮງງານ, ໂຮງຮຽນການເມືອງ-ການປົກຄອງ, ໂຮງຮຽນ ປກສ ຊັ້ນສູງ ເລກ1, ໂຮງງານຕັດຫຍິບເລກ2ກອງທັບ ແລະບໍລິສັດ 705 ເຂົ້າຮ່ວມທັງໝົດ 150 ທ່ານ, ຍິງ 57 ທ່ານ.
ການດຳເນີນພິທີດັ່ງກ່າວ, ໃນເບື້ອງຕົ້ນ ທ່ານ ທອງຈັນ ສຸກສັກດາ ຮອງຫົວໜ້າອົງການກາແດງແຂວງ ກໍ່ໄດ້ຜ່ານປະຫວັດຄວາມເປັນມາ ຂອງ ວັນທີ 8 ພຶດສະພາ, ວັນກາແດງ ແລະຊິກວົງເດືອນສາກົນ ຈາກນັ້ນ ພິທີ ກໍ່ໄດ້ມີການປຸກລະດົມການບໍລິຈາກເລືອດເພື່ອຊ່ວຍເຫຼືອສັງຄົມ ເຊິ່ງມີຜູ້ສາມາດບໍລິຈາກເລືອດຕົວຈິງ ຈຳນວນ 25 ທ່ານ, ຍິງ 9 ທ່ານ ແລະເລືອດຕົວຈິງໄດ້ 25 ຖົງ.
ພ້ອມດຽວກັນນັ້ນ, ໃນ ພິທີ ກໍ່ໄດ້ມີການມອບໃບຍ້ອງຍໍ ແກ່ພະນັກງານ ແລະນັກສືກສາຜູ້ທີ່ບໍລິຈາກເລືອດ ຈຳນວນ 25 ໃບ
—ຂຽນຂ່າວ, ພາບໂດຍ: ມະໂນສິນ ສິງແກ້ວ 020 91077227
