ຂະບວນການອອກແຮງງານລວມສ້ອມແປງເສັ້ນທາງແຕ່ ບ້ານດອນແກ້ວ ຫາ ບ້ານບໍ ເມືອງໄຊ ແຂວງອຸດົມໄຊ.
>> ເພື່ອເປັນການສະເຫຼີມສະຫຼອງ ວັນກຳມະກອນສາກົນຄົບຮອບ 137 ປີ ແລະ ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 68 ປີ ໃຫ້ມີຂະບວນການຟົດຟື້ນ, ມາໃນຕອນເຊົ້າ ວັນສຸກ, ວັນທີ 05 ພຶດສະພາ 2023 ນີ້ ອົງການປົກຄອງບ້ານບໍ່ ສົມທົບກັບ ຄະນະຊາວໜຸ່ມເມືອງໄຊ (ອົງການຈັດຕັ້ງແຮກສ່ຽວຂອງບ້ານບໍ່) ແລະສະມາຊິກຊາວໜຸ່ມບ້ານ, ຄະນະຊາວໜຸ່ມໂຮງຮຽນ ສູນພັດທະນາສີມືແຮງງານແຂວງອຸດົມໄຊ, ໂຮງຮຽນເພື່ອນມິດ, ໂຮງຮຽນ ປກສ ຊັ້ນສູງເລກ 1, ໂຮງຮຽນການເມືອງການປົກຄອງ ແລະ ໂຮງຮຽນ ມສ ບ້ານບໍ່ ໄດ້ສ້າງຂະບວນການອອກແຮງງານລວມ ໂດຍການສ້ອມແປງເສັ້ນທາງທີ່ເປ່ເພ ແຕ່ບ້ານດອນແກ້ວ ຫາ ບ້ານບໍ່, ການສ້າງຂະບວນການອອກແຮງງານໃນຄັ້ງນີ້ແມ່ນໄດ້ນຳເຄື່ອງມື້ອຸປະກອນກໍ່ສ້າງເຂົ້າໃນການປະສົມປູນແລ້ວເທ່ລົງຕາມຈຸດຕ່າງໆທາງທີ່ເປັນຂຸມຕາມເສັ້ນທາງ ແລະ ຂອບທາງ ເພື່ອເຮັດໃຫ້ການສັນຈອນໄປມາມີຄວາມສະດວກ, ເພື່ອຫຼຸດຜ່ອນການເກີດອຸບັດຕິເຫດຕາມທ້ອງຖະໜົນດັ່ງກ່າວ, ເຊິ່ງມີຜູ້ເຂົ້າຮ່ວມ ທັງໝົດຈຳນວນ 246 ແຮງງານ, ໂດຍໄດ້ຮັບການ ສະໝັບສະໜູນ ງົບປະມານຊື້ອຸກອນຕ່າງໆນຳໃຊ້ເຂົ້າໃນຂະບວນການ ຄັ້ງນີ ຈາກໂຮງຮຽນເພື່ອນມິດ ລວມມູນຄ່າ 11,850,000 ກີບ, ການອອກສ້າງຂະບວນການອອກແຮງງານໃນຄັ້ງນີ້ແມ່ນໃຊ້ເວລາ 1 ຕອນ, ກໍໄດ້ຮັບຜົນສຳເລັດຕາມລະດັບຄາດໝາຍທີ່ວ່າງໄວ້ຢ່າງມີປະສິດຕິພາບ.
ຖ່າຍພາບໂດຍ: ສະຫາຍ ວິໄລພັບ ຂັນຍາວົງ, ເລຂາຊາວໜຸ່ມ ສູນພັດທະນາສີມືແຮງງານ.
