ມາໃນວັນທີ 25 ຕຸລາ 2021, ສູນພັດທະນາສີມືແຮງງານແຂວງອຸດົມໄຊ ຈິງໄດ້ຈັດພິທີເປີດການຝຶກສີມືແຮງງານຂື້ນທີ່ສູນພັດທະນາສີມືແຮງງານແຂວງອຸດົມໄຊ ພາຍໃຕ້ການເປັນປະທານຂອງ ທ່ານ ນາງ ໄຊສະຫວັນ ນັນທະໄຊ ກຳມະການພັກແຂວງ, ຫົວໜ້າພະແນກແຮງງານ ແລະສະຫວັດດີການສັງຄົມແຂວງອຸດົມໄຊ, ມີ ທ່ານ ຄຳໝັ້ນ ຟອງມະນີ ຮອງຫົວໜ້າພະແນກແຮງງານ ແລະສະຫວັດດີການສັງຄົມ, ທ່ານ ສົມພອນ ນາວຮືວ່າງ, ເລຂາໜ່ວຍພັກ, ອຳນວຍການສູນພັດທະນາສີມືແຮງງານ, ແຂກເຊີນ, ຄູຝຶກ ແລະນັກສຳມະນາກອນ ເຂົ້າຮ່ວມ ຈໍານວນ 49 ຄົນ ຍິງ 33 ຄົນ.

ຈຸດປະສົ່ງ ກໍ່ເພື່ອຍົກລະດັບຄວາມຮູ້, ຄວາມສາມາດ, ລະດັບສີມືແຮງງານ, ສ້າງອາຊີບໃຫ້ຜູ້ເຂົ້າຝຶກ ເພື່ອສະໜອງໃຫ້ແກ່ຫົວໜ່ວຍແຮງງານ ຕອບສະໜອງຄວາມຕ້ອງການຂອງຕະຫຼາດແຮງງານ ເຮັດໃຫ້ແຮງງານມີວຽກເຮັດງານທຳຢ່າງໝັ້ນຄົງ, ມີລາຍໄດ້, ມີຊີວິດການເປັນຢູ່ນັບມືນັບດີຂື້ນ.


          ນັກສໍາມະນາກອນ ທີ່ເຂົ້າຮ່ວມຝຶກອົບຮົມໃນຄັ້ງນີ້ ແມ່ນຊາວໜຸ່ມຜູ້ດ້ອຍໂອກາດ ແລະແຮງງານທີ່ຕ້ອງການປ່ຽນວຽກ ມາຈາກ 4 ເມືອງ ຄື: ເມືອງໄຊ, ເມືອງຫຼ້າ, ເມືອງງາ ແລະເມືອງນາໝໍ້ ເຂົ້າຮ່ວມທັງໝົດ 43 ສະຫາຍ, ຍິງ 31 ສະຫາຍ, ໃນນັ້ນ, ມີຜູ້ເຂົ້າຝຶກ ຊ່າງກໍ່ຊ່າງໂບກ ຈຳນວນ 12 ຄົນ ແລະຊ່າງປຸງແຕ່ງອາຫານ ຈຳນວນ 31 ຄົນ, ການຝຶກແບ່ງອອກເປັນ 02 ພາກຄື່: ພາກທິດສະດີກວມເອົາ 20% ແລະພາກຕິບັດຕົວຈິງ 80% ການຝຶກຈະດໍາເນີນໄປເປັນເວລາ 5 ວັນເຕັມ.

ໃນຕອນທ້າຍພິທີ ປະທານ ກໍ່ໄດ້ສະແດງ ຄວາມຊົມເຊີຍ ມາຍັງບັນດາທ່ານ ຄະນະພັກ, ຄະນະອຳນວຍການ, ຄູຝຶກທີ່ເອົາໃຈໃສ່ຍາດແຍງທຶນຮອນ ເວລາຮ່າງຫາກະກຽມ ແລະຈັດຕັ້ງປະຕິບັດການຝຶກຄັ້ງໃນນີ້. ນອກຈາກນັ້ນແລ້ວ, ທ່ານຍັງໄດ້ຮຽກຮ້ອງ ໃຫ້ນັກສຳມະນາກອນ ທີ່ໄດ້ເຂົ້າຮ່ວມຝຶກອົບຮົມໃນຄັ້ງນີ້ ເອົາໃຈໃສຝຶກສີມືແຮງງານໃຫ້ໄດ້ຮັບຜົນດີ ເພື່ອໄປຈັດຕັ້ງປະຕິບັດ ປະກອບອາຊີບ, ສ້າງລາຍຮັບເຂົ້າສູ່ຄອບຄົວ ໃຫ້ຫຼຸດຜົນອອກຈາກຄວາມທຸກຍາກເທື່ອລະກ້າວ.

ພາບ ແລະຂ່າວ: ວິໄລພັບ ຂັນຍາວົງ

ทิ้งคำตอบไว้

Please enter your comment!
Please enter your name here