Home ຂ່າວພາຍໃນ ກິດຈະກຳບໍລິຈາກເລືອດ ຂອງໜ່ວຍຮາກຖານຊາວໜຸ່ມ ສູນພັດທະນາສີມືແຮງງານ

ກິດຈະກຳບໍລິຈາກເລືອດ ຂອງໜ່ວຍຮາກຖານຊາວໜຸ່ມ ສູນພັດທະນາສີມືແຮງງານ

0

ໃນຕອນເຊົ້າເວລາ 8:00 ຂອງວັນທີ 31 ຕຸລາ 2019 ໜ່ວຍຮາກຖານຊາວໜຸ່ມສູນພັດທະນາສີມືແຮງງານໄດ້ຈັດກິດຈະກຳ ສະໝັກໃຈຮ່ວມບໍລິຈາກເລືອດ  ຊ່ວຍຊີວິດເພື່ອນມະນຸດດ້ວຍກັນໃນສັງຄົມ ໃຫ້ມີຊີວິດຢູ່ຄູ່ກັບສັງຄົມລາວຕະຫຼອດໄປ ໂດຍໃຫ້ກຽດເປັນປະທານ ຂອງ ທ່ານ ທອງຈັນ ໄຊລືຕາ, ຫົວໜ້າອົງການກາແດງແຂວງອຸດົມໄຊ  ມີ ທ່ານ ຄຳແບງ ຈັນມະນີ, ຮອງເລຂາຄະນະບໍລິຫານງານຊາວໜຸ່ມແຂວງອຸດົມໄຊ ພ້ອມດ້ວຍຄະນະ, ຫົວໜ້າສູນເລືອດແຂວງ, ຄະນະນຳສູນ, ພະນັກງານຄູອາຈານ ແລະນັກຝຶກອົບຮົມທົ່ວສູນ ເຂົ້າຮ່ວມຈຳນວນ 304 ກວ່າຄົນ, ຍິງ 154 ຄົນ.

ທ່ານ ທອງຈັນ ໄຊລືຕາ, ຫົວໜ້າອົງການກາແດງແຂວງອຸດົມໄຊ, ຫົວໜ້າອົງການກາແດງແຂວງອຸດົມໄຊ ແລະຮອງເລຂາຄະນະບໍລິຫານງານຊາວໜຸ່ມແຂວງອຸດົມໄຊ ໄດ້ອະທິບາຍກ່ຽວກັບການບໍລິຈາກເລືອດ ໃຫ້ແກ່ພະນັກງານ-ຄູອາຈານ ແລະນັກຝຶກອົບຮົບຮັບຮູ້ແລະເຂົ້າໃຈ ເຊິ່ງບາງຕອນທ່ານໄດ້ກ່າວວ່າ: ປະຈຸບັນບໍ່ມີປະເທດໃດ ສາມາດຜະລິດເລືອດຮັບໃຊ້ສັງຄົມ, ເລືອດນັ້ນມີແຕ່ຢູ່ໃນຕົວຂອງມະນຸດເຮົາເທົ່ານັ້ນ ເພື່ອຊ່ວຍເຫຼືອມະນຸດດ້ວຍກັນ ຜູ່ທີ່ຂາດເລືອດໃຫ້ມີຊີວິດຢູ່ລອດ ມີຄວາມຈຳເປັນຕ້ອງມີການບໍລິຈາກເລືອດ ເຊິ່ງຜູ່ທີ່ມີອາຍຸ 17-70 ປີ ແລະມີນ້ຳໜັກຕັ້ງແຕ່ 45 Kg ຂື້ນໄປ, ມີສຸຂະພາບແຂງແຮງດີ ແມ່ນສາມາດບໍລິຈາກເລືອດໄດ້ ຜູ່ທີ່ບໍ່ລິຈາກເລືອດແລ້ວ ຈະໄດ້ຮັບບັດບໍລິຈາກ, ຜູ່ທີຮັບບໍລິຈາກເລືອດສາມາດນຳໃຊ້ບັດຂອງຕົນ ຮັບເລືອດຄືນໃຫ້ແກ່ຕົນເອງ ຫຼືໜູ່ຄູ່ຍາດຕິພີ່ນ້ອງໃນເວລາທີ່ມີຄວາມຕ້ອງການເລືອດ.

ເນື່ອງຈາກເຫັນຄວາມສຳຄັນດັ່ງກ່າວ ມີພະນັກງານຄູອາຈານ ແລະນັກສຶກສາຂອງສູນ ສະໝັກໃຈບໍລິຈາກເລືອດໃນເທື່ອນີ້ ຈຳນວນ 46 ຄົນ, ຍິງ 11 ຄົນ ແຕ່ສາມາດເອົາເລືອດອອກໄດ້ຈຳນວນ 45 ຄົນ, ຍິງ 11 ຄົນ.

ຂຽນໂດຍ: ວິໄລພັບ ຂັນຍາວົງ

NO COMMENTS

ໃຫ້ຄຳຄິດເຫັນ

Please enter your comment!
Please enter your name here