ໃນລະຫວ່າງວັນທີ 22-26 ມິຖຸນາ 2020 ສູນພັດທະນາສີມືແຮງງານແຂວງອຸດົມໄຊ ໄດ້ເປີດພິທີ ແລະຈັດການຝຶກອົບຮົມ ແລະຍົກລະດັບສີມືແຮງງານ ໃນ ສາຂາອາຊີບ: ສາຂາອາຊິບ ຊ່າງສ້ອມແປງ ແລະບຳລຸງຮັກສາລົດຈັກ,  ເຊີ່ງໃຫ້ກຽດເປັນປະທານເປິດພິທີຝຶກໂດຍມີທ່ານ ຄອນສີ ມະຫາວົງ ຮອງຫົວໜ້າກົມພັດທະນາສີມືແຮງງານ ແລະຈັດຫາງານ ກະຊວງ ຮສສ ແລະທ່ານ ສົມພອນ ນາວຮືວ່າງ, ເລຂາໜ່ວຍພັກ, ອຳນວຍການສູນ, ແຂກເຊີນ, ພະນັກງານຄູ-ອາຈານ ແລະນັກສຳມະນະກອນເຂົ້າຮ່ວມທັງໝົດ 27 ຄົນ, ຍິງ 02 ຄົນ.

ຈຸດປະສົ່ງເພື່ອຍົກລະດັບສີມືແຮງງານ ໃຫ້ຜູ້ປະກອບການ, ຊາວໜຸ່ມ, ໄວໜຸ່ມ ແລະບັນດາຫ້າງຮ້ານສ້ອມແປງລົດ ພາຍໃນແຂວງອຸດົມໄຊ, ໃຫ້ມີສີມືແຮງງານດີຂຶ້ນ, ມີລະບຽບວິໄນ, ມີນິດໄສໃນການເຮັດວຽກແບບອຸດສາຫະກໍາຫຼາຍຂຶ້ນເທື່ອລະກ້າວ, ສ້າງໂອກາດໃນການພັດທະນາ ຍົກລະດັບວິຊາຊີບ ໃຫ້ຜູ້ປະກອບການ ໃຫ້ນັບມື້ນັບສູງຂື້ນ, ສາມາດປ່ຽນວຽກ ຫຼືສາມາດປະກອບວຽກເຮັດງານທຳ ໃນສິ່ງທີ່ຕົນເອງຊໍານານງານ, ສ້າງລາຍຮັບແກ່ຕົນເອງ, ຄອບຄົວ ແລະຫຼຸດຜ່ອນຄວາມທຸກຍາກເທື່ອລະກ້າວ.

ພາຍຫຼັງການຝຶກໄດ້ດໍາເນີນເປັນເວລາ 5 ວັນເຕັມ ແລະສໍາເລັດລົງຕາມລະດັບຄາດໝາຍ ເຊິ່ງມີຜູ້ເຂົ້າຝຶກ ແລະຜ່ານການຝຶກທັງໝົດ 16 ທ່ານ, ຍິງ 0 ທ່ານ  ແລະໄດ້ຕິລາຄາຂະບວນການຝຶກໃນຄັ້ງນີ້ ທັງພາກຄວາມຮູ້, ຄວາມສາມາດ ແລະຄວາມຊຳນິຊຳນານງານ ມັນສະແດງອອກດັ່ງນີ້:

  1. ຜູ້ທີ່ຜ່ານການຝຶກ ປະເມີນໄດ້ ລະດັບ ດີ ກວມ  75% ເທົ່າກັບ 12 ຄົນ;
  2. ຜູ້ທີ່ຜ່ານການຝຶກ ປະເມີນໄດ້ ລະດັບ ກາງ ກວມ 25% ເທົ່າກັບ 4ຄົນ;
  3. ມີຜູ້ຜ່ານການຝຶກ ປະເມີນໄດ້ ລະດັບ ອ່ອນ ບໍ່ມີ

ຂຽນໂດຍ: ນູນ ລໍປັນຍາ

ทิ้งคำตอบไว้

Please enter your comment!
Please enter your name here