ໃນຕອນເຊົ້າເວລາ 8:00 ນາທີ ຂອງວັນທີ 12 ຕຸລາ 2023, ໜ່ວຍຊາວໜຸ່ມຮາກຖານ ສູນ ໄດ້ຈັດພິທີ ມອບ-ຮັບ ທຸງໄຊນຳໜ້າຂະບວນການແຂ່ງຂັນ 4 ບຸກຂອງຕົນຂື້ນຢ່າງເປັນທາງການ, ໂດຍ ການເປັນປະທານຂອງ ສະຫາຍ ວິໄລພັບ ຂັນຍາວົງ ເລຂາໜ່ວຍຊາວໜຸ່ມຮາກຖານສູນ, ເປັນກຽດເຂົ້າຮ່ວມໂດຍ ສະຫາຍ ຄຳຈັນ ວ່າບົວແສງ ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງອຸດົມໄຊ, ສະຫາຍ
ໄຊທອງ ສຸລິໄຊ ຄະນະພັກ ສູນພັດທະນາສີມືແຮງງານ, ມີແຂກເຊີນຈາກໜ່ວຍອ້ອມຂ້າງ ແລະ ສະມາຊິກພາຍໃນໜ່ວຍເຂົ້າຮ່ວມທັງໝົດ 30 ສະຫາຍ, ຍິງ 07 ສະຫາຍ.
ພິທີໄດ້ຮັບຟັງການຜ່ານບົດສະຫຼູບການຈັດຕັ້ງປະຕິບັດຂໍ້ແຂ່ງຂັນ 4 ບຸກໄລຍະ 3ປີ(2020-2023) ຂອງສະຫາຍ ວິໄລພັບ ຂັນຍາວົງ ເລຂາໜ່ວຍຊາວໜຸ່ມຮາກຖານສູນ, ພ້ອມນັ້ນຜູ້ເຂົ້າຮ່ວມ ໄດ້ປະກອບຄຳຄິດເຫັນຕໍ່ບົດສະຫຼູບດັ່ງກ່າວໃຫ້ມີເນື້ອໃນຄົບຖ້ວນສົມບູນ, ຫຼັງຈາກນັ້ນຄະນະຈັດຕັ້ງໄດ້ຜ່ານຂໍ້ຕົກລົງ ວ່າດ້ວຍການຍ້ອງຍໍຂອງສູງການຊາວໜຸ່ມປະຊາຊົນປະຕິວັດລາວຕໍ່ສະມາຊິກຊາວໜຸ່ມທີ່ມີຜົນງານ 3ປີຕິດຕໍ່ກັນ(2020-2023) ຈໍານວນ 13 ສະຫາຍ, ຜ່ານຂໍ້ຕົກລົງຊສວໜຸ່ມ 4ບຸກປະຈຳປີ 2023 ຈໍານວນ 36 ສະຫາຍ ແລະ ຂໍ້ຕົກລົງວ່າດ້ວຍການມອບ-ຮັບ ທຸງໄຊນຳໜ້າຂະບວນການແຂ່ງຂັນ 4ບຸກສະໄໝທີ2, ເປັນກຽດມອບທຸງໄຊນຳໜ້າ ແລະໃບຍ້ອງຍໍໜ່ວຍ 4ບຸກ ປະຈຳປີ2023 ຂອງສະຫາຍ ຄຳຈັນ ວ່າບົວແສງ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງອຸດົມໄຊ, ມອບໃບຍ້ອງຍໍ ສະມາຊີກຊາວໜຸ່ມທີມີຜົນງານດີເດັ່ນ ໃນການຈັດຕັ້ງປະຕິບັດ ຂໍ້ແຂ່ງຂັນ 4ບຸກ 3 ປີຕໍ່ເນື່ອງ(2020-2023)ຂອງສະຫາຍ ໄຊທອງ ສຸລິໄຊ ຄະນະພັກ ສູນພຳັດທະນາສີມືແຮງງານແຂວງອຸດົມໄຊ.
ຕອນທ້າຍ ສະຫາຍ ຄຳຈັນ ວ່າບົວແສງ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງອຸດົມໄຊ, ໄດ້ຖືໂອກາດດັ່ງກ່າວໂອ້ລົມ ແລະ ມີທິດຕໍ່ສະມາຊິກຊາວໜູ່ມພາຍໃນໜ່ວຍຊາວໜຸ່ມຮາກຖານສູນ ສະຫາຍໄດ້ຍ້ອງຍໍຊົມເຊີຍຜົນງານທີ່ ຄະນະໜ່ວຍຊາວໜຸ່ມຮາກຖານສຸນຍາດມາໄດ້, ພ້ອມນັ້ນ ສະຫາຍໃຫ້ ຄະນະໜ່ວຍຊາວໜຸ່ມຮາກຖານສູນສືບຕໍ່ເອົາໃຈໃສ່ໃນການຈັດຕັ້ງປະຕິບັດຂໍ້ແຂ່ງຂັນ 4ບຸກຕາມແຜນທີ່ໄດ້ກຳນົດໄວ້ໃນປີ 2024 ໃຫ້ບັນລຸຕາມແຜນ, ນອກນັ້ນ ສະຫາຍ ຍັງໄດ້ເນັ້ນໜັກໃຫ້ເພີ້ມທະວິຄວາມສາມັກຄີ, ການສືກສາອົບຮົມການເມືອງແນວຄິດໃຫ້ບັນດາສະຫາຍສະມາຊິກຊາວໜຸ່ມໃຫ້ສາມາຈຳແນກອັນຖືກອັນຜິດໃນຖາມກາງສະພາບບ້ານເມືອງທີ່ມີຄວາມຍຸ້ງຍາກໃນປັດຈຸບັນເພື່ອບໍ່ໃຫ້ຕົກເປັນເຄື່ອງມືໃຫ້ກຸ່ມຄົນບໍ່ດີ, ໃສ່ຮ້າຍປ້າຍສີການນຳຂອງພັກ-ລັດຂອງພວກເຮົາ ແລະ ພິທີໄດ້ດຳເນີນເປັນເວລາ 1ຕອນຈຶ່ໄດ້ອັດລົງ
—ຂຽນຂ່າວ, ຖ່າຍພາບໂດຍ: ມະໂນສິນ ສິງແກ້ວ 020 91077227
