Home ຫຼັກສູດການຝຶກ ພິທີເຜີຍແຜ່ເອກະສານ ວັນຊາດ ວັນທີ 2 ທັນວາ ແລະວັນຄ້າຍວັນເກີດ ປະທານໄກສອນພົມວິຫານ

ພິທີເຜີຍແຜ່ເອກະສານ ວັນຊາດ ວັນທີ 2 ທັນວາ ແລະວັນຄ້າຍວັນເກີດ ປະທານໄກສອນພົມວິຫານ

0
ເຜີຍແຜ່ເອກະສານ

ໂດຍປະຕິບັດຕາມແຈ້ງການແນະນຳ ຂອງຄະນະໂຄສະນາອົບຮົມແຂວງ ເລກທີ 820/ຄອຂ, ລົງວັນທີ 21 ພະຈິກ 2019 ແລະເພື່ອເປັນການປູກຈິດສຳນຶກ, ທວນຄືນວັນແຫ່ງໄຊຊະນະຂອງຊາດ ແລະຄຸນງາມຄວາມດີຂອງ ປະທານໄກສອນ ພົວວິຫານ ຜູ້ນຳທີ່ແສນເຄົາລົບຮັກ ຂອງປະຊາຊົນລາວບັນດາເຜົ່າ.

ເຜີຍແຜ່ເອກະສານ

       ມາໃນຕອນແລງເວລາ 14:00 ຂອງວັນທີ 28 ພະຈິກ 2019 ນີ້ ສູນພັດທະນາສີມືແຮງງານຈິ່ງໄດ້ພ້ອມກັນຈັດຕັ້ງພິທີ ປາຖະກະຖາເລົ່າຄືນມູນເຊື້ອ ວັນສະຖາປະນາ ສປປ ລາວ ຄົບຮອບ 44 ປີ ແລະວັນຄ້າຍວັນເກີດຂອງ ທ່ານ ປະທານໄກສອນ ພົມວິຫານ ຄົບຮອບ 99 ປີ. ໂດຍໄດ້ຈັດຂຶ້ນທີ່ສູນພັດທະນາສີມືແຮງງານແຂວງອຸດົມໄຊ ມີຄະນະອຳນວຍການ, ພະນັກງານ- ຄູອາຈານ ແລະນັກຮຽນເຂົ້າຮ່ວມທັງໝົດ 298 ຄົນ, ຍິງ 124 ຄົນ.

ວັນຊາດ-ວັນທີ-2-ທັນວາ

          ໃຫ້ກຽດເຂົ້າຮ່ວມ ແລະປາຖະກະຖາ ສອງເອກະສານ ດັ່ງກ່າວ ໂດຍແມ່ນ ທ່ານ ສົມຟອງ ແສງຈັນທະລາ, ເລຂາຄະນະພັກຮາກຖານ, ຫົວໜ້າພະແນກແຮງງານ ແລະສະຫວັດດີການສັງຄົມແຂວງ. ໃນການປາຖະກະຖາ ກໍ່ໄດ້ຍົກໃຫ້ເຫັນຢ່າງຈະແຈ້ງ ກ່ຽວກັບຄວາມເສຍສະຫຼະອັນຍິ່ງໃຫຍ່, ນຳໃຈຮັກຊາດ ແລະຄວາມສາມັກຄີອັນແໜ້ນແຟ້ນ, ຄວາມສະຫຼຽວສະຫຼາດ ແລະອື່ນໆ ຂອງບັນດາທ່ານຜູ້ນຳ, ນັກຮົມ ແລະປະຊາຊົນລາວບັນດາເຜົ່າ ທີ່ໄດ້ກິ້ງເກືອກລີເລືອ ທຸມເທເລືອດເນື້ອ ເຫື່ອແຮງໃສ່ການປະຕິວັດ ຈິ່ງໄດ້ຮັບໄຊຊະນະ ແລະສະຖາປະນາມາໄດ້ຢ່າງສົມບູນ. ພ້ອມນັ້ນ, ທ່ານຍັງຍົກໃຫ້ເຫັນກ່ຽວກັບ ປະຫວັດການເຄື່ອນໄຫວ ແລະຄຸນສົມບັນອັນປະເສີດຂອງທ່ານ ປະທານ ໄກສອນ ພົມວິຫານ.

ວັນຊາດ-ວັນທີ-2-ທັນວາ

          ຜ່ານການຮັບຟັງ ປະຖະກະຖາຄັ້ງນິ້ ເຮັດໃຫ້ພະນັກງານ ແລະນັກຮຽນ ມີຄວາມຊາບຊຶ່ງ ແລະປາບປື້ມໃຈເປັນຢ່າງຍິ່ງ ທີ່ໄດ້ເກີດມາເປັນຄົນລາວ, ພ້ອມແລ້ວທີ່ຈະ ຕັ້ງໜ້າພັດທະນາຕົນເອງ ເພື່ອສືບຕໍ່ພາລະກິດ ປົກປັກຮັກສາ ແບະສ້າງສາພັດທະນາປະເທດຊາດ, ເສີມຂະຫຍາຍນ້ຳໃຈຮັກຊາດ, ຮັກບ້ານເກີດເມືອງນອນຂອງຕົນ ແລະຈະຮ່ຳຮຽນເອົາຄຸນສົມບັດ ແບບແຜນວິທີດຳລົງຊີວິດ ທີ່ດີຂອງຜູ້ນຳໄປໝູນໃຊ້ເຂົ້າໃນຊີວິດສ່ວນຕົວ ແລະຄອບຄົວ ເພື່ອກາຍເປັນພົນລະເມືອງດີຂອງຊາດຕໍ່ໄປ.

          ການປາຖະກະຖາໄດ້ດຳເນີນມາເປັນເວລາ 1 ຕອນ, ມາຮອດເວລາ 16:15 ນາທີ ຈິ່ງໄດ້ປິດລົງ.

ຂຽນໂດຍ: ວິໄລພັບ ຂັນຍາວົງ

NO COMMENTS

ໃຫ້ຄຳຄິດເຫັນ

Please enter your comment!
Please enter your name here