ສູນພັດທະນາສີມືແຮງງານແຂວງອຸດົມໄຊຈັດກິດຈະກຳບໍລິຈາກເລືອດ

ໃນຕອນເຊົ້າເວລາ 8:00 ຂອງວັນທີ 18 ຕຸລາ 2018 ສູນພັດທະນາສີມືແຮງງານໄດ້ຈັດກິດຈະກຳ ສະໝັກໃຈບໍລິຈາກເລືອດ ເພື່ອຊ່ວຍເຫຼືອຜູ້ທີຂາດແຂນເລືອດຢູ່ໃນສັງຄົມໃຫ້ມີຊີວິດຢູ່ຄູ່ກັບສັງຄົມລາວຕະຫຼອດໄປ ຂື້ນຢ່າງເປັນທາງການ ໂດຍເປັນປະທານ ຂອງ ທ່ານ ສົມຟອງ ແສງຈັນທະລາ ເລຂາຄະນະພັກຮາກຖານ, ຫົວໜ້າພະແນກແຮງງານ ແລະສະຫວັດດີການສັງຄົມແຂວງ, ມີ ທ່ານ ທອງຈັນ ໄຊລືຕາ, ຫົວໜ້າອົງການກາແດງແຂວງອຸດົມໄຊ ບັນດາສະຫາຍ ຫົວໜ້າສູນເລືອດແຂວງ, ຄະນະນຳສູນ, ພະນັກງານຄູອາຈານ ແລະນັກຝຶກອົບຮົມທົ່ວສູນ ເຂົ້າຮ່ວມຈຳນວນ 300 ກວ່າຄົນ.

ສູນພັດທະນາສີມືແຮງງານແຂວງອຸດົມໄຊຈັດກິດຈະກຳບໍລິຈາກເລືອດ

ທ່ານ ທອງຈັນ ໄຊລືຕາ, ຮອງຫົວໜ້າພະແນກ ແຮງງານ ແລະສະຫວັດດີການສັງຄົມແຂວງ, ຫົວໜ້າອົງການກາແດງແຂວງອຸດົມໄຊ ໄດ້ອະທິບາຍກ່ຽວກັບການບໍລິຈາກເລືອດ ໃຫ້ແກ່ພະນັກງານ-ຄູອາຈານ ແລະນັກຝຶກອົບຮົບຮັບຮູ້ແລະເຂົ້າໃຈ ເຊິ່ງບາງຕອນທ່ານໄດ້ກ່າວວ່າ: ປະຈຸບັນບໍ່ມີປະເທດໃດ ສາມາດຜະລິດເລືອດຮັບໃຊ້ສັງຄົມ, ເລືອດນັ້ນມີແຕ່ຢູ່ໃນຕົວຂອງມະນຸດເຮົາເທົ່ານັ້ນ ເພື່ອຊ່ວຍເຫຼືອມະນຸດດ້ວຍກັນ ຜູ່ທີ່ຂາດເລືອດໃຫ້ມີຊີວິດຢູ່ລອດ ມີຄວາມຈຳເປັນຕ້ອງມີການບໍລິຈາກເລືອດ ເຊິ່ງຜູ່ທີ່ມີອາຍຸ 17-70 ປີ ແລະມີນ້ຳໜັກຕັ້ງແຕ່ 45 Kg ຂື້ນໄປ, ມີສຸຂະພາບແຂງແຮງດີ ແມ່ນສາມາດບໍລິຈາກເລືອດໄດ້ ຜູ່ທີ່ບໍ່ລິຈາກເລືອດແລ້ວ ຈະໄດ້ຮັບບັດບໍລິຈາກ, ຜູ່ທີຮັບບໍລິຈາກເລືອດສາມາດນຳໃຊ້ບັດຂອງຕົນ ຮັບເລືອດຄືນໃຫ້ແກ່ຕົນເອງ ຫຼືໜູ່ຄູຍາດຕິພີນ້ອງໃນເວລາທີ່ມີຄວາມຕ້ອງການເລືອດ.

ເນື່ອງຈາກເຫັນຄວາມສຳຄັນດັ່ງກ່າວ ມີພະນັກງານຄູອາຈານ ແລະນັກສຶກສາຂອງສູນ ສະໝັກໃຈບໍລິຈາກເລືອດໃນເທື່ອນີ້ຈຳນວນ 30 ຄົນ, ຍິງ 3 ຄົນ ແຕ່ສາມາດເອົາເລືອດອອກໄດ້ຈຳນວນ 25 ຄົນ, ຍິງ 3 ຄົນ.

 

ໃຫ້ຄຳຄິດເຫັນ

Please enter your comment!
Please enter your name here