ຈັດກິດຈະກໍາບໍລິຈາກເລືອດ

ໃນຕອນເຊົ້າເວລາ 8:00 ຂອງວັນທີ 05 ພະຈີກ 2020 ສູນພັດທະນາສີມືແຮງງານໄດ້ຈັດກິດຈະກໍາ ສະຫມັກ ໃຈບໍລິຈາກເລືອດ ເພື່ອຊ່ວຍເຫຼືອຜູ້ທີ່ຂາດແຂນເລືອດຢູ່ໃນສັງຄົມໃຫ້ມີຊີວິດຢູ່ຄູ່ກັບສັງຄົມລາວຕະຫຼອດໄປ ຂື້ນ ຢ່າງເປັນທາງການ ໂດຍເປັນປະທານ ຂອງ ທ່ານ ສົມພອນ ນາວຮືວ່າງ ເລຂາຄະນະພັກຮາກຖານ, ອຳນວຍການສູນພັດທະນາສີມືແຮງງານແຂວງ, ມີ ທ່ານ ທອງຈັນ ສຸກສັກດາ, ຮອງຫົວຫນ້າອົງການກາແດງແຂວງອຸດົມໄຊ ບັນດາສະຫາຍ ຫົວຫນ້າສູນເລືອດແຂວງ, ຄະນະນໍາສູນ, ພະນັກງານຄູອາຈານ ແລະນັກຝຶກອົບຮົມທົ່ວສູນ ເຂົ້າ ຮ່ວມຈໍານວນ 312 ກວ່າຄົນ.

ທ່ານ ທອງຈັນ ສຸກສັກດາ, ຮອງຫົວຫນ້າອົງການກາແດງແຂວງອຸດົມໄຊ, ໄດ້ອະທິບາຍກ່ຽວກັບການບໍລິຈາກເລືອດ ໃຫ້ແກ່ພະນັກງານ-ຄູອາຈານ ແລະນັກຝຶກອົບຮົບ ຮັບຮູ້ແລະເຂົ້າໃຈ ເຊິ່ງບາງຕອນທ່ານໄດ້ກ່າວວ່າ: ປະຈຸບັນບໍ່ມີປະເທດໃດ ສາມາດຜະລິດເລືອດຮັບໃຊ້ສັງຄົມ, ເລືອດ ນັ້ນມີແຕ່ຢູ່ໃນຕົວຂອງມະນຸດເຮົາເທົ່ານັ້ນ ເພື່ອຊ່ວຍເຫຼືອມະນຸດດ້ວຍກັນ ຜູ່ທີ່ຂາດເລືອດໃຫ້ມີຊີວິດຢູ່ລອດ ມີຄວາມ ຈໍາເປັນຕ້ອງມີການບໍລິຈາກເລື້ອດ ເຊິ່ງຜູ່ທີ່ມີອາຍຸ 17-70 ປີ ແລະມີນ້ໍາຫນັກຕັ້ງແຕ່ 45 Kg ຂື້ນໄປ, ມີສຸຂະພາບ ແຂງແຮງດີ ແມ່ນສາມາດບໍລິຈາກເລືອດໄດ້ ທີ່ບໍ່ລິຈາກເລືອດແລ້ວ ຈະໄດ້ຮັບບັດບໍລິຈາກ, ຜູ່ທີ່ຮັບບໍລິຈາກເລືອດ ສາມາດນໍາໃຊ້ບັດຂອງຕົນ ຮັບເລືອດຄືນໃຫ້ແກ່ຕົນເອງ ຫຼືຫມູ່ຄູຍາດຕິພີ່ນ້ອງໃນເວລາທີ່ມີຄວາມຕ້ອງການເລືອດ.

ເນື່ອງຈາກເຫັນຄວາມສໍາຄັນດັ່ງກ່າວ ມີພະນັກງານຄູອາຈານ ແລະນັກສຶກສາຂອງສູນ ສະຫມັກໃຈບໍລິຈາກ ເລືອດໃນເທື່ອນີ້ຈໍານວນ 35 ຄົນ, ຍິງ 10 ຄົນ ແຕ່ສາມາດເອົາເລືອດອອກໄດ້ຈໍານວນ 31 ຄົນ, ຍິງ 10 ຄົນ.

ຂຽນໂດຍ: ສິນລະໄຊ ເນັ່ງຈື້ມົວ

ทิ้งคำตอบไว้

Please enter your comment!
Please enter your name here