ໂດຍໄດ້ຮັບທືນສະໜັບສະໜູນ ຈາກໂຄງການ ILO-China Partnership pregramme, ສູນພັດທະນາສີມືແຮງງານແຂວງອຸດົມໄຊ ສົມທົບ ພະແນກແຮງງານ ແລະສະຫວັດດີການສັງຄົມແຂວງ, ສະຖາບັນພັດທະນາສີມືແຮງງານ ຈຶ່ງໄດ້ພ້ອມກັນຈັດຕັ້ງ ການທົດສອບມາດຖານສີມືແຮງງານໃນສາຂາອາຊີບ ຊ່າງໄຟຟ້າ ລະດັບ 2 ຂື້ນຢ່າງເປັນທາງການ ລະຫວ່າງວັນທີ 21-25 ພຶດສະພາ 2022ນີ້.
ຈຸດປະສົງ ແມ່ນເພື່ອວັດປະເມີນຜົນຄວາມຮູ້, ຄວາມສາມາດ ແລະຄວາມຊຳນານງານຂອງຜູ້ທີ່ຜ່ານການຝືກສີມືແຮງງານໃນ ສາຂາໄຟຟ້າ ລະດັບ 1 ແລະ 2 ມາແລ້ວ ໂດຍການທົດສອບ ແລະອອກໃບຢັ້ງຢືນມາດຕະຖານສີມືແຮງງານແກ່ຜູ້ທີ່ຜ່ານການທົດສອບ.
ການທົດສອບສີມືແຮງງານ ເປັນກິດຈະກຳໜຶ່ງ ໃນການສົ່ງເສີມການພັດທະນາສີມືແຮງງານ ແລະການພັດທະນາກຳລັງແຮງງານລາວ ໃຫ້ໄດ້ຕາມມາດຕະຖານສີມືແຮງງານແຫ່ງຊາດ ແລະເປັນການຈັດຕັ້ງປະຕິບັດແນວທາງນະໂຍບາຍຂອງພັກ-ລັດ ເພື່ອເຮັດໃຫ້ກຳລັງແຮງງານລາວມີໃບ້ຢັ້ງຢືນດ້ານສີມືແຮງງານ ເພື່ອໄປປະກອບອາຊີບຢ່າງຖືກຕ້ອງຕາມລະບຽບກົດໝາຍ, ມີວຽກເຮັດງານທຳ, ມີລາຍໄດ້, ມີສະຫວັດດີການທິເໝາະສົມ ແລະມີຫຼັກຄ້ຳປະກັນໃນການດຳລົງຊີວິດ.
ການທົດສອບໃນເທື່ອນີ້ ປະກອບມີ 2 ພາກຄື: ພາກຂຽນ ປະກອບມີ 60 ຄຳຖາມ ໂດຍໃຊ້ຄຳຖານແບບປາລາໄນ, ມີ 4 ຄຳຕອບ ໃຫ້ເລືອກເອົາຄຳຕອບທີ່ຖືກຕ້ອງທີ່ສຸດໃນ 60 ຄຳຖານ ຈະມີ 100 ຄະແນນເທົ່າກັບ 10% ລະພາກທີ 2 ແມ່ນປະຕິບັດຕົວຈິງ ດ້ວຍການຕິດຕັ້ງວົງຈອນໄຟຟ້າເຊິ່ງເທົ່າກັບ 90% ໃນການທົດສອບຜູ້ທົດສອບຈະໄດ້ຮຽນຮູ້ເພີ່ມເຕີມຄື:
- ຄວາມຮູ້ພື້ນຖານປະກອບມີ: ວິຊາ ກົດໝາຍແຮງງານ, ນິໄສອຸດສາຫະກຳ ແລະຄອມພິວເຕີ;
- ຄວາມຮູ້ຫຼັກປະກອບມີ: ພື້ນຖານຊ່າງໄຟ, ຄວາມຮູ້ພືນຖານໄຟຟ້າ, ແຕ້ມແບບວົງຈອນໄຟຟ້າ, ວັດແທກ ແລະຕິດຕັ້ງໄຟຟ້າ ແລະພື້ນຖານການແຕ້ມແບບ;
- ພາກຄວາມຮູ້ທົ່ວໄປປະກອບມີ: ພື້ນຖານພາສາອັງກິດສຳລັບຊ່າງສຸຂະພາບ ແລະຄວາມປອດໄພ.
ຊ່ວງເວລາໃນການທົດສອບພາກທິດສະດີ 1 ຊົ່ວໂມງ ຜູ້ທີ່ຜ່ານຕ້ອງໄດ້ຄະແນນ 60% ຂື້ນໄປ ແລະພາກປະຕິບັດຕ້ອງໄດ້ຄະແນນ 70% ຂື້ນໄປ ເຊິ່ງຮູບແບບຂອງໂຈດ ຜູ້ເຂົ້າທົດສອບຕ້ອງດໍາເນີນການຕິດຕັ້ງວົງຈອນໄຟຟ້າຕາມເງື່ອນໄຂທີ່ວາງໄວ້ໃຫ້ໂດຍໃຊ້ ເວລາ 4 ຊົ່ວໂມງເຕັມ.
ຄະນະນຳທີ່ເຂົ້າຮ່ວມບັ້ນທົດສອບໃນຄັ້ງນີ້ ແຕ່ຕົ້ນຈົນສຳເລັດປະກອບມີ:
- ມີທ່ານ ນາງ ອານຸສອນ ຄຳສິງສະຫວັດ ຫົວໜ້າກົມຈັດຫາງານ ແລະ ທ່ານ ສຸລິສັກ ສຸພັນທອງ ຮອງຫົວໜ້າສະຖາບັນພັດທະນາສີມືແຮງງານຕາງໜ້າກະຊວງ ຮສສ;
- ມີທ່ານ ນາງ ແກ້ວວັນໄລ ພັນທະວົງ ຜູ້ປະສານງານໂຄງການ, ຕ່າງໜ້າໂຄງການ ILO-China Partnership pregramme;
- ມີທ່ານ ນາງ ໄຊສະຫວັນ ນັນທະໄຊ ກຳມະການພັກແຂວງ ຫົວໜ້າພະແນກ ຮສສ ແຂວງ ແລະ
ທ່ານ ສົມພອນ ນາວຮືວ່າງ ເລຂາໜ່ວຍພັກ ອຳນວຍການສູນ ພ້ອມດ້ວຍຄະນະ ແລະພະນັກງານ-ຄູອາຈານຈຳນວນໜຶ່ງ.
ຄະນະກໍາມະການຕັດສິນຄະແນນປະກອບມີ ຈຳນວນ 7 ທ່ານ:
- ຈາກສູນພັດທະນາສີມືແຮງງານແຂວງອຸດົມໄຊ 25 ທ່ານ;
- ຈາກໂຮງຮຽນເຕັກນິກວິຊາຊີບແບບປະສົມ 1 ທ່ານ;
- ຈາກ ບໍລິສັດແກ້ວປະເສີດ ກໍ່້ສ້າງຕາຄ່າຍ ແລະຕິດຕັ້ງໄຟຟ້າ 1 ທ່ານ.
ຜູ້ເຂົ້າທົດສອບສີມືແຮງງານ ປະກອບມີຈຳນວນ 28 ທ່ານ, ຍິງ 0 ທ່ານ,
- ມາຈາກພາຍໃນແຂວງອຸດົມໄຊ 25 ທ່ານ;
- ຈາກ ແຂວງຫຼວງນ້ຳທາ 2 ທ່ານ;
- ຈາກ ແຂວງໄຊຍະບູລີ 3 ທ່ານ.
ຜ່ານການທົດສອບຕົວຈິງ ມີຜູ້ຜ່ານການທົດສອບຕາມມາດຕະຖານທີ່ວາງໄວ້ ຈຳນວນ 27 ທ່ານ, ມີ 1 ທ່ານ
ທີ່ບໍ່ຜ່ານ.
ໃນວາລະສຸດທ້າຍຂອງບັ້ນທົດສອບດັ່ງກ່າວກໍ່ໄດ້ຈັດພິທີມອບຮັບໃບຢັ້ງຢືນມາດຕະຖານສີມືແຮງງານ ສາຂາ
ຊ່າງໄຟຟ້າ ລະດັບ 2 ຈຳນວນ 27 ໃບໃຫ້ແກ່ຜູ້ທີ່ຜ່ານການທົດສອບ ເພື່ອນຳໄປໝູນໃຊ້ເຂົ້າໃນການປະກອບວຽກເຮັດງານທຳຕາມວັດຖຸປະສົງທີ່ີໄດ້ກຳນົດໄວ້.
ສຸດທ້າຍຜູ້ເຂົ້າທົດສອບກໍ່ໄດ້ຮັບຟັງການໂອ້ລົມ ແລະທິດຊີ້ນຳເຍືອງທາງ ຈາກ ທ່ານ
ນາງ ໄຊສະຫວັນ ນັນທະໄຊ ກຳມະການພັກແຂວງ ຫົວໜ້າພະແນກ ຮສສ ແຂວງ, ເຊິ່ງ ທ່ານກໍ່ໄດ້ຍົກໃຫ້ເຫັນເຖິງຄວາມໝາຍ ແລະຄວາມສຳຄັນໃນການທົດສອບ, ທັງສະແດງຄວາມຍ້ອງຍໍຊົມເຊີຍຕໍ່ນັກທົດສອບທີ່ສາມາດຜ່ານການທົດສອບ.
—ຂຽນຂ່າວ, ພາບໂດຍ: ມະໂນສິນ ສິງແກ້ວ 020 91077227
