ເພື່ອກຽມສະເຫຼີມສະຫຼອງ ວັນສ້າງຕັ້ງແຂວງອຸດົມໄຊ ຄົບຮອບ 60 ປີ, ວັນສ້າງຕັ້ງກອງກຳລັງ ປກສ ຄົບຮອບ 60 ປີ, ວັນສ້າງຕັ້ງການພົວພັນທູດລາວ – ຫວຽດນາມ ຄົບຮອບ 60 ປີ ແລະວັນເຊັນສັນຍາມິດຕະພາບ ແລະການຮ່ວມມືລາວ – ຫວຽດ ຄົບຮອບ 45 ປີ ໃຫ້ມີຂະບວນການຟົດຟື້ນ.
ມາໃນຕອນເຊົ້າ ວັນສຸກ, ວັນທີ 20 ພຶດສະພາ 2022 ນີ້ ສູນພັດທະນາສີມືແຮງງານແຂວງອຸດົມໄຊ ໄດ້ສ້າງຂະບວນການ ອອກແຮງງານອະນາໄມຖາງຫຍ້າ ແລະເກັບຂີ້ເຫຍື້ອຕາມເສັ້ນທາງຂອບເຂດຮັບຜິດຊອບ ແຕ່ສູນພັດທະນາສີມືແຮງງານໄປຫາຂວາຫ້ອຍຫອຍມີຄວາມຍາວປະມານ 2Km ໂດຍການນໍາພາຂອງ ທ່ານ ສົມພອນ ນາວຮືວ່າງ ຜູ້ອຳນວຍການສູນພັດທະນາສີມືແຮງງານ ແລະມີ ພະນັກງານ, ຄູອາຈານ ແລະນັກສືກສາຈາກສູນພັດທະນາສີມືແຮງງານ ເຂົ້າຮ່ວມທັງໝົດ 95 ທ່ານ, ຍິງ 25 ທ່ານ.
—ຂຽນຂ່າວ, ພາບໂດຍ: ມະໂນສິນ ສິງແກ້ວ 020 91077227
