ກຳມະບານ

ໂດຍອີງໃສ່ ພາລະບົດບາດ ສິດ ແລະໜ້າທີ່ ຂອງສູນກາງສະຫະພັນກຳມະບານລາວ ເຊິ່ງແມ່ນໜຶ່ງໃນອົງການຈັດຕັ້ງມະຫາຊົນ ເຮັດໜ້າທີການປົກປ້ອງສິດຜົນປະໂຫຍດອັນຊອບທຳ ຂອງສະມາຊິກກຳມະບານ, ກຳມະກອນຊາວຜູ້ອອກແຮງງານ ບັນດາເຜົ່າ. ດັ່ງທີຮູ້ນຳກັນແລ້ວວ່າ ກຳມະບານຮາກຖານສູນພັດທະນາສີມືແຮງງາານແຂວງອຸດົມໄຊ ເປັນຮາກຖານໜ່ວຍເອກະລາດໜຶ່ງ ຢູ່ພາຍໃຕ້ການຊີ້ນຳຂອງ ຄະນະພັກ, ຄະນະ ພະແນກແຮງງານ ແລະສະຫວັດດີການສັງຄົມແຂວງ ກໍ່ຄືໜ່ວຍພັກ ສູນພັດທະນາສີມືແຮງງານແຂວງອຸດົມໄຊ; ຕະຫຼອດໄລຍະ 3 ປີ ຜ່ານມານີ້ ກໍາມະບານຮາກຖານສູນ ໄດ້ເຄື່ອນໄຫວຈັດຕັ້ງປະຕິບັດວຽກງານຂອງຕົນມີຜົນເດັ່ນຫຼາຍໆດ້ານ ໄດ້ຮັບໃບຢັ້ງຢືນ 5 ເປັນເຈົ້າ 3 ປີຕິດຕໍ່ກັນ ໂດຍອີງໃສ່ຕາມ ລະບຽບການຂອງສູນກາງສະຫະພັນກຳມະບານລາວ ຈິ່ງໄດ້ປະກາດຮັບຮອງເອົາກຳມະບານຮາກຖານສູນພັດທະນາສີມືແຮງງານແຂວງອຸດົມໄຊ 5 ເປັນເຈົ້າ ສະໄໝທີ I.

5ເປັນເຈົ້າ

ມາໃນຕອນເເລງ ເວລາ 14:00 ຂອງວັນທີ 6 ທັນວາ 2019, ກຳມະບານຮາກຖານສູນພັດທະນາສີມືແຮງງານແຂວງອຸດົມໄຊ ຈັດພິທີເປີດ ພິທີປະກາດຮັບຮອງກຳມະບານຮາກຖານ  ຂອງສູນພັດທະນາສີມືແຮງງາານແຂວງອຸດົມໄຊ ເປັນກຳມະບານ 5 ເປັນເຈົ້າ ສະໄໝທີ 1 ຢ່າງເປັນທາງການ ໂດຍການເປັນປະທານ ຂອງ ສະຫາຍ ພູວົງ ອິນທະວົງ ໃຫ້ກຽດປະທານ ຮ່ວມ ຂອງ ສະຫາຍ ສົມສັກ ຄຳລ້ານ ຮອງຄະນະບໍລິຫານງານກຳມະບານຂວງອຸດົມໄຊ ແລະສະຫາຍ ສົມພອນ ນາວຮືວ່າງ ເລຂາໜ່ວຍພັກ, ອຳນວຍການສູນພັດທະນາສີມືແຮງງານແຂວງອຸດົມໄຊ, ມີແຂກເຊີນ ແລະສະມາຊິກກຳມະບານທົ່ວສູນ ເຂົ້າຮ່ວມທັງໝົດ 44 ສະຫາຍ, ຍິງ 11 ສະຫາຍ.

ກຳມະບານຮາກຖານສູນ

          ໃນເບື່ອງຕົ້ນ, ກອງປະຊຸມໄດ້ ຜ່ານມະຕິຕົກລົງ ວ່າດ້ວຍການອະນຸມັດ ໃຫ້ກຳມະບານຮາກຖານສູນ ຈັດພິທີປະກາດຮັບຮອງ ກຳມະບານຮາກຖານ 5 ເປັນເຈົ້າ ຂອງຂັ້ນເທິງ, ພ້ອມດຽວກັນນັ້ນ ປະທານກຳມະບານຮາກຖານສູນພັດທະນາສີມືແຮງງານ ຜ່ານບົດສະຫຼຸບການຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 5 ເປັນເຈົ້າໄລຍະ 3 ປີ ແລະທິດທາງແຜນການປະຈຳປີ 2020. ສູນພັດທະນາສີມືແຮງງານແຂວງອຸດົມໄຊ ມີສະມາຊິກ ທັງ​ໝົດ 30​ ສະຫາຍ, ຍິງ 09 ສະຫາຍ ແລະສະມາຊິກທີເປັນນັກຮຽນ 11 ສະຫາຍ, ຍິງ 0 ສະຫາຍ ໃນນີ້ຍົກໃຫ້ເຫັນຜົນງານທີ່ຜົນເດັ່ນໃນຫຼາຍດ້ານ ການຈັດປະບັດໜ້າທີວຽກງານຂອງສະມາຊິກກຳມະບານ ຕະຫຼອດໄລຍະ 3 ປີຜ່ານມາ ແຕ່ປີ 2017-2019 ດັ່ງນີ:

1. ເປັນເຈົ້າໂຄສະນາສືກສາອົບຮົມການເມືອງ

   –   ເປັນ​ເຈົ້າ​ສຶກສາ​ອົບຮົມ​ການ​ເມືອງ​ແນວ​ຄິດ ດ້ວຍການຮໍ່າຮຽນເອກະສານ​ເຊື່ອມ​ຊືມ ແນວທາງນະໂຍບາຍຂອງພັກ ບັນດາ​ມະຕິ​ຄຳ​ສັ່ງ, ຂໍ້​ກຳນົດ – ກົດ​ລະບຽບ​ເອກະສານ​ສຳຄັນ​ຕ່າງໆ, ໄດ້ດຳເນີນຊີວິດພາຍໃນຮາກຖານ, ໜ່ວຍຢ່າງເປັນປົກກະຕິ ຢ່າງນ້ອຍ 02ເດືອນຕໍ່ຄັ້ງ.

   –   ຜັນຂະຫຍາຍມະຕິກອງປະຊຸມໃຫ່ຍຄັ້ງທີ VIII ຂອງອົງຄະນະພັກແຂວງ, ມະຕິກອງປະຊຸມໃຫ່ຍຄັ້ງທີ VII ຂອງສູນກາງສະຫະພັນກໍາມະບານລາວ ແລະ ມະຕິກອງປະຊຸມໃຫ່ຍຄັ້ງທີ 08 ຂອງສະຫະພັນກໍາມະບານແຂວງ ໃຫ້ສະມາຊິກກໍາມະບານເຂົ້າໃຈຢ່າງເລິກເຊິ່ງ ແລະນຳເອົາເອກະສານ ແລະມະຕິດັ່ງກ່າວທີ່ຕິດພັນກ່ຽວກັບວຽກງານກໍາມະບານເປັນຕົ້ນ: ເອກະສານການເລົ່າມູນເຊື້ອກໍາມະບານລາວ, ວັນກຳມະກອນສາກົນ, ກົດລະບຽບ, ກົດໝາຍ ຂອງສະຫະພັນກໍາມະບານລາວ, ເນື້ອໃນຂໍ້ແຂ່ງຂັນ 05 ເປັນເຈົ້າ ແລະເອກະສານອື່ນໆ ມາຈັດຕັ້ງເຜີຍແຜ່ເຊື່ອມຊຶມໃຫ້ສະມາຊິກກຳມະບານ, ພະນັກງານລັດຖະກອນ ນັກຮຽນນັກສຶກສາ ໄດ້ 17ຄັ້ງ ມີຜູ້ເຂົ້າຮ່ວມທັງໝົດ 865ເທື່ອຄົນ. ຍິງ 410 ເທື່ອຄົນ ສະນັ້ນຈິ່ງໄດ້ເຮັດໃຫ້ສະມາຊິກກໍາມະບານມີຄວາມເປັນເອກະພາບສູງ ໃນການຈັດຕັ້ງປະຕິບັດ ແນວທາງນະໂຍບາຍຂອງພັກ ແລະໜ້າທີ່ຄວາມຮັບຜິດຊອບ ການຈັດຕັ້ງຂັ້ນເທິງມອບໝາຍໃຫ້ ນອກນັ້ນສະມາຊິກກໍາມະບານທີ່ເປັນສະມາຊິກພັກກໍ່ໄດ້ເຂົ້າຮ່ວມຊີວິດການເມືອງ ປົວແປງພັກປະຈຳປີ ປຸກລະດົມຊຸກຍູ້ໃຫ້ສະມາຊິກ ເຂົ້າຮ່ວມຮັບຟັງການເຜີຍແຜເຊື່ອມຊຶມເອກະສານສຳຄັນຕ່າງໆ ຂອງຊາດ, ຂອງພັກ ແລະເຂົ້າຮວມການໂອ້ລົມຂອງການນໍາ ຂັ້ນຂອງຕົນ ແລະຂັ້ນແຂວງ ລວມໄດ້ 28 ຄັ້ງ ມີຜູ້ເຂົ້າຮ່ວມຮັບຟັງທັງໝົດ 593 ເທື່ອຄົນຍິງ 398ເທື່ອຄົນ

2. ເປັນເຈົ້າ ການພັດທະນາວຽກງານກໍາມະບານ

–   ຄະນະກໍາມະບານຮາກຖານ ສູນພັດທະນາສີມືແຮງງານ ໄດ້ເອົາໃຈໃສ່ປັບປຸງກົງຈັກການຈັດຕັ້ງ ແລະຂະຫຍາຍສະມາຊິກກໍາມະບານ ພາຍໃນ ໂດຍແບ່ງຄວາມຮັບຜິດຊອບ ໃຫ້ຄະນະກໍາມະບານຮາກຖານແຕ່ລະສະຫາຍໃຫ້ປະຕິບັດສິດ ແລະໜ້າທີ່ຂອງໃຜລາວ;

–    ​ເປັນ​ເຈົ້າ​ການ​ໃນ​ການ​ພັດທະນາ​ວຽກງານ​ກຳ​ມະ​ບານຂັ້ນ​ຂອງ​ຕົນ​ມີ​ທ່າ​ກ້າວ, ສ້າງ​ພະນັກງານ​ສະມາຊິກ​ກຳມະບານ​ສືບ​ທອດ​​ ແລະ​ ຂະຫຍາຍ​ການຈັດ​ຕັ້ງ​ຕາມ​ລະບຽບຂອງ​ກໍາມະບານ​ກຳນົດ​ໄວ້,​​ ຂະຫຍາຍ​ສະມາຊິກ​ກຳມະບານ​ໃໜ່​ຈໍານວນ 40 ສະຫາຍ, ຍິງ 12 ສະຫາຍ;

–   ໄດ້ຍົກຍ້າຍໄປຢູ່ໜ່ວຍໃໝ່ 26 ສະຫາຍ, ຍິງ 12 ສະຫາຍ;

–   ຮັບສະມາຊິກກຳມະບານທີ່ຍົກຍ້າຍມາຈາກໜ່ວຍໃໝ່ ຈຳນວນ 07 ສະຫາຍ, ຍິງ 03 ສະຫາຍ;

–   ປະຕິບັດແບບວິທີການສ່ອງແສງລາຍງານ ລວມຊີວິດປະຈໍາເດືອນ, ເສຍເງິນສະຖິຕິ, ເສຍເງິນກອງທຶນເປັນປົກກະຕິ ໃຫ້ກຳມະບານແຂວງ ປະຈຸບັນນີ້ມີໜ່ວຍກໍາມະບານທີ່ຂຶ້ນກັບມີ 02ໜ່ວຍເພື່ອອຳນວຍຄວາມສະດວກໃນການປະຕິບັດວຽກພາຍໃຕ້ການຊີ້ນໍາ ນໍາພາຂອງຄະນະໜ່ວຍພັກສູນພັດທະນາສີມືແຮງງານ ແຂວງ;

–    ຖື​ເອົາ​ຄວາມ​ສາມັກ​ຄີ​ເປັນ​ປຶກ​ແຜນ​ໃນ​ການ​ປະຕິບັດ​ວຽກງານ, ສ້າງ​ກົມ​ກອງ​ໃຫ້​ມີ​ຄວາມ​ສະຫງົບ​ດີ​, ສາມັກຄີ​ກັບ​ຫ້ອງການ​ອ້ອມ​ຂ້າງ​ ແລະ ​ພະ​ແນ​ກການ​ອື່ນໆ. ມີ​ຄວາມ​ສາມັກຄີ​ພາຍ​ໃນ​ແລະ​ພາຍ​ນອກ​ເພື່ອນ​ມິດ ສາ​ກົນ​ໄດ້​ດີ;

–    ສາມາດ​ສ້າງ​ກອງ​ທຶນ ​ແລະ​ ຄັງຂອງ​ຮາກ​ຖານ​ໃຫ້​ໄດ້ 2,000,000 ກີບ/ປີ.

3. ເປັນເຈົ້າປົກປ້ອງສິດ ແລະຜົນປະໂຫຍດອັນຊອບທຳຂອງພະນັກງານ, ສະມາຊິກກຳມະບານ, ກຳມະກອນ ແລະຜູ້ອອກແຮງງານ.

–    ເປັນເຈົ້າການໃນການປະຕິບັດໂມງເວລາໃນການເຂົ້າການ ເລີກການ ມີການຈົດບັນທຶກລົງລາຍເຊັນໄວ້;

–    ຊຸກຍູ້ໃຫ້ພະນັກງານສະມາຊິກກໍາມະບານໄດ້ຮັບເງິນນະໂຍບາຍຕ່າງໆ;

–   ຊຸກຍູ້ໃຫ້ພະນັກງານສະມາຊິກກໍາມະບານ ໄດ້ຮັບນະໂຍບາຍກ່ຽວກັບການເລື່ອນຊັ້ນ, ຂັ້ນເງິນເດືອນ ປະຕິບັດນະໂຍບາຍລາພັກປະຈຳປີ ໃຫ້ພະນັກງານ, ປິນປົວສຸຂະພາບ, ເກີດລູກ, ແລະນະໂຍບາຍອື່ນໆ;

–   ເປັນ​ເຈົ້າ​ປົກ​ປ້ອງ​ສິດ, ຜົນ​ປະ​ໂຫຍ​ດອັນ​ຊອບ​ທຳ​ຂ​ອງພະນັກງານ, ສະມາຊິກ​ກຳມະບານ, ກຳມະກອນ ​ແລະ ​ຊາວ​ຜູ້​ອອກ​ແຮງ​ງານ, ​ເປັນ​ເຈົ້າ​ໃນ​ການ​ປະກອບສ່ວນ​ຜັນ​ຂະຫຍາຍ​ແນວທາງ​ນະ​ໂຍບາຍ​ຂອງ​ພັກ,ປະຕິບັດ​ລະບຽບກົດໝາຍ ​ແລະ​ແຜນ​ພັດທະນາ​ເສດຖະກິດ-ສັງຄົມ​ຂອງ​ລັດ.

4. ເປັນເຈົ້າການເຂົ້າຮ່ວມໃນການຕິດຕາມ, ກວດກາ, ຄຸ້ມຄອງລັດ, ຄຸ້ມຄອງເສດຖະກິດ, ວັດທະນະທຳ-ສັງຄົມ.

        ສະມາຊິກກຳມະບານຮາກຖານສູນພັດທະນາສີມືແຮງງານແຂວງ ໄດ້ເຂົ້າຮ່ວມການຈັດຕັ້ງເຄື່ອນໄຫວວຽກງານວິຊາສະເພາະ ດ້ານການຝຶກ ແລະພັດທະນາສີມືແຮງງານ, ທົດສອບ ແລະອອກໃບຢັ້ງຢືນມາດຕະຖານສີມືແຮງງານ ແລະການລົງຝຶກເຄື່ອນທີ່ ໃຫ້ຊາວໜຸ່ມ ຕາມກຸ່ມບ້ານສາມສ້າງ ໃນ 07 ເມືອງທົ່ວແຂວງ ຢ່າງເປັນປົກກະຕິ ໂດຍຕິດພັນກັບຂະບວນການຂໍ້ແຂ່ງຂັນ 05 ເປັນເຈົ້າ ພາຍໃຕ້ການຊີ້ນໍາ ນໍາພາຂອງຄະນະໜ່ວຍພັກ ສູນ ເຮັດໃຫ້ວຽກງານມີການເຕີບໃຫ່ຍຂະຫຍາຍຕົວ   ນອກນັ້ນແລ້ວກໍາມະບານຂອງພວກເຮົາຍັງສົ່ງເສີມໃຫ້ສະມາຊິກກກໍາມະບານສ້າງອາຊີບເສີມຫາລາຍໄດ້ເຂົ້າໃນຄອບຄົວຂອງຕົນເອງຈົນກາຍເປັນຄອບຄົວຕົວແບບເຊິ່ງປະກອບມີ 05 ຄອບຄົວເຊັນວ່າ: ຄອບຄົວທີ່ສາມາດສ້າງລາຍຮັບເຂົ້າໃນຄອບຄົວຂອງຕົນໄດ້ 8,000,000ກີບ/ປີຂຶ້ນໄປມີ 03 ຄອບຄົວ ແລະ ສາມາດສ້າງລາຍຮັບເຂົ້າໃນຄອບຄົວຂອງຕົນໄດ້ 150,000,000ກີບ/ປີຂຶ້ນໄປມີ 02 ຄອບຄົວ.

        ຕັ້ງໜ້າ​ເປັນ​ເຈົ້າ​ການ​ເຂົ້າ​ຮ່ວມ, ຕິດຕາມ​ກວດກາ, ວຽກງານ​ເສດຖະກິດ, ວັດທະນາ​ທຳ – ສັງຄົມ: ​ເວົ້າ​ລວມ, ​ເວົ້າ​ສະ​ເພາະ​ເລັ່ງ​ໃສ່​ການ​ກວດກາ​ການຈັດ​ຕັ້ງ​ປະຕິບັດ​ແຜນການ​ເຄື່ອນ​ໄຫວ​ວຽກຂອງ​ກົມ​ກອງ​ປະຈຳ​ເດືອນ, ງວດ ​ແລະ ​ປີ​ໃຫ້​ສຳ​ເລັດ 90% ຂື້ນ​ໄປ​ ແລະ​ ແຜນການ​ເຄື່ອນ​ໄຫວ​ຂອງ​ຮາກ​ຖານ​ກຳມະບານ​ໃນ​ແຕ່ລະ​ໄລຍະ​ໃຫ້​ສຳ​ເລັດ 90% ຂື້ນ​ໄປ, ປະກອບ​ສ່ວນວຽກງານ​ປ້ອງ​ກັນ​ຄວາມ​ສະຫງົບ​ໃນ​ກົມ​ກອງ​ຕົນ​ໃຫ້​ມີ​ຄວາມ​ສະ​ຫງົບ​ປອດ​ໄພ 100 % ນອກຈາກນີ້ແລ້ວກໍ່ມີວຽກງານດ້ານອື່ນໆອີກຫຼາຍດ້ານ ເຊິ່ງສະແດງອອກແຕ່ລະດ້ານລຸ່ມນີ້:

    ກ.  ຝຶກພາຍໃນ

  ປະຕິບັດການຝຶກພາຍໃນຈໍານວນ 2ຊຸດ ຕໍ່ສົກຮຽນ ແຕ່ລະດັບ 01-04 ຄື: ຊຸດທີ 01ແຕ່ເດືອນ ກັນຍາ ຫາເດືອນ ກຸມພາ ຂອງແຕ່ລະປີ; ຊຸດ 02 ເດືອນ ມີນາ ຫາ ສິງຫາ ຂອງແຕ່ລະປີ ສະນັ້ນຝຶກປົກກະຕິໃນໄລຍະ 03ປີແຕ່ປີ 2017-2019ມີຜູ້ເຂົ້າຝຶກທັງໝົດ 1803 ຄົນ, ຍິງ 961ຄົນ, ຝຶກໄລຍະສັ້ນ 01ອາທິດ ຈໍານວນ 144 ຄົນ ຍິງ 112 ຄົນ (ລວມທັງໝົດຈໍານວນ ຜູ້ເຂົ້າຝຶກ 2494 ຄົນ ຍິງ 1348 ຄົນ) ແລະມາຮອດໃນປັດຈຸບັນໄດ້ດໍາເນີນການຝຶກສີມືແຮງງານຊຸດໃໝ່ ສົກປີ 2019-2020 ໃນລະດັບ 01-03 ໃນ 06 ສາຂາອາຊີບ ມີຈໍານວນທັງໝົດ 305 ຄົນ ຍິງ 154 ຄົນ;ສາຂາອາຊີບທີ່ຈັດຝຶກມີ 07ສາຂາອາຊີບ ຄື:( ສາຂາ ໄຟຟ້າ ມີ 01-04ລະດັບ, ສາຂາກໍ່ສ້າງ-ເຄຫາສະຖານ ມີ01- 04ລະດັບ, ສາຂາ ປຸງແຕ່ງອາຫານມີ 01-04ລະດັບ, ສາຂາ ສ້ອມແປງ ສ້ອມ ແລະນຳໃຊ້ຄອມພີວເຕີ ມີ 02ລະດັບ, ສາຂາສ້ອມແປງ ແລະບຳລຸງຮັກລົດຈັກມີ ລະດັບ 01, ສາຂາ ຕັດຫຍິບ ມີ ລະດັບ 01, ສາຂາ ປູກຝັງ-ລ້ຽງສັດມີ ລະດັບ01  ໄລຍະເວລາການຝຶກ ແຕ່ລະສາຂາອາຊີບລະດັບ 01ຕໍ່ 06ເດືອນ), ໃນນັ້ນຝຶກງານນອກ 02ເດືອນຕໍ່ລະດັບ ແລະໄດ້ ສົງສະມາຊິກກໍາມະບານ ໄປຍົກລະດັບ ວິຊາສະເພາະ 03ສະຫາຍ ຍິງ 01ສະຫາຍ, ໄປຮຽນທິດສະດີການເມືອງການປົກຄອງ 01ສະຫາຍ, ໄປຝຶກອົບຮົມພາສາອັງກິດ 01ສະຫາຍ.

       ນອກຈາກນີ້ແລ້ວສູນຂອງພວກເຮົາຍັງໄດ້ປັບປຸງຫຼັກສູດການຝຶກສາຂາອາຊີບຊ່າງ ໄດ້ຄົ້ນຄວ້າປັບປຸງຫຼັກສູດລະດັບ 01 ຈໍານວນ 03 ສາຂາອາຊີບ ແລະລະດັບ 02 ຈໍານວນ 02 ສາຂາອາຊີບ ແລະປັບປຸງປື້ມຕໍາລາການຝຶກ ໃຫ້ສອດຄ່ອງກັບສະພາບການຝຶກຈໍານວນໜຶ່ງ.ປັບປຸງແບບແຜນວິທີເຮັດວຽກ, ປັບປຸງສັບຊ້ອນພະນັກງານພາຍໃນ, ແບ່ງຄວາມຮັບຜິດຊອບໃຫ້ບຸກຄົນຢ່າງຈະແຈ້ງ,​ ມີການຕິດຕາມ, ກວດກາ, ຊຸກຍູ້ວຽກງານເປັນປະຈໍາ ແລະຕໍ່ເນື່ອງ ໄດ້ນໍາພາ ນັກສຶກສາໄປ ສ້າງຂະບວນການກິລາວັນນະຄະດີ ແລະສະເຫຼີມສະຫຼອງວັນເປີດສົກຮຽນໃໝ່,ນໍາພານັກຮຽນ ໄປທັດສະນະສຶກສາ ແລະສ້າງຂະບວນການຕ້ອນຮັບຄູແຫ່ງຊາດຄົບຮອບ ແຕ່ລະປີ ຈຳນວນ 12ຄັ້ງ

 ຂ. ຝຶກແບບເຄື່ອນທີ່

     ໄດ້ດໍາເນີນການຝຶກແບບເຄື່ອນທີຕາມກຸ່ມບ້ານສາມສ້າງ ຕາມບັນດາເມືອງໃນທົວແຂວງ ສາຂາຝຶກປະກອບມີ 05 ສາຂາອາຊີບຄື: ສາຂາອາຊີບ ຊ່າງກໍ່ສ້າງ ເຄຫາສະຖານ, ສາຂາອາຊີບ ຊ່າງ ໄຟຟ້າ ເຕັກນິກ, ສາຂາອາຊີບ ຊ່າງສ້ອມແປງ ແລະບໍາລຸງຮັກສາລົດຈັກ, ສາຂາອາຊີບ ຊ່າງປຸງແຕ່ງອາຫານ ແລະການໂຮງແຮມ, ສາຂາອາຊີບ ລ້ຽງສັດ ປູກຝັງ ມີຜູ້ເຂົ້າຮ່ວມທັງໝົດ 328 ຄົນ, ຍິງ 68 ຄົນ.

  ຄ. ການທົດສອບສີມືແຮງງານ

        ດໍາເນີນການທົດສອບໃນສາຂາອາຊີບ ຊ່າງໂບກ ລະດັບ 02ຈຳນວນ 01ຊຸດ ແລະສາຂາອາຊີບ ຊ່າງໄຟຟ້າ ເຕັກນິກ ລະດັບ 03ມີຜູ້ເຂົ້າທົດສອບທັງໝົດ 75ຄົນ, ຍິງ 0ຄົນ.

ຕັ້ງໜ້າ​ເປັນ​ເຈົ້າ​ການ​ເຂົ້າ​ຮ່ວມ, ຕິດຕາມ​ກວດກາ, ວຽກງານ​ເສດຖະກິດ, ວັດທະນາ​ທຳ – ສັງຄົມ: ​ເວົ້າ​ລວມ, ​ເວົ້າ​ສະ​ເພາະ​ເລັ່ງ​ໃສ່​ການ​ກວດກາ​ການຈັດ​ຕັ້ງ​ປະຕິບັດ​ແຜນການ​ເຄື່ອນ​ໄຫວ​ວຽກຂອງ​ກົມ​ກອງ​ປະຈຳ​ເດືອນ, ງວດ ​ແລະ ​ປີ​ໃຫ້​ສຳ​ເລັດ 90% ຂື້ນ​ໄປ​ ແລະ​ ແຜນການ​ເຄື່ອນ​ໄຫວ​ຂອງ​ຮາກ​ຖານ​ກຳມະບານ​ໃນ​ແຕ່ລະ​ໄລຍະ​ໃຫ້​ສຳ​ເລັດ 90% ຂື້ນ​ໄປ, ປະກອບ​ສ່ວນວຽກງານ​ປ້ອງ​ກັນ​ຄວາມ​ສະຫງົບ​ໃນ​ກົມ​ກອງ​ຕົນ​ໃຫ້​ມີ​ຄວາມ​ສະ​ຫງົບ​ປອດ​ໄພ 100 %

5. ເປັນເຈົ້າເຂົ້າຮ່ວມໃນການຈັດຕັ້ງປະຕິບັດແນວທາງການຕ່າງປະເທດຂອງພັກ, ລະບຽບກົດໝາຍຂອງລັດ

          ໃນ​ໄລຍະ​ຜ່ານ​ມາສະ​ມາ​ຊິກ​ກຳມະບານ​ພາຍ​ໃນ​ກົມ​ກອງ​ຂອງ​ພວກ​ເຮົາ​ກໍ່​ໄດ້​ຕັ້ງໜ້າ​ປະຕິບັດ​ຕາມ​ແນວ​ທາງ​ນະ​ໂຍບາຍ​ການ​ພົວພັນ​ກັບ​ຕ່າງປະ​ເທດ​ຂອງ​ພັກ​ເຮົາ​ເຊີ່ງມີ​ທັງ​ການ​ຍາດ​ແຍ່ງ​ຂໍ​ທຶນ​ຊ່ວຍ​ເຫຼືອ​ ແລະ​ ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດຮ່ວມ​ກັນ​ເຊີ່ງ​ພວກ​ເຮົາ​ສາມາດ​ຍາດ​ໄດ້ຜົນ​ງານ​ດັ່ງ​ນີ້:​ ພົວພັນ ຮ່ວມມືກັບ ໂຄງການຊ່ວຍເຫຼືອຂອງ ສປຈີນ ກ່ຽວກັບການກໍ່ສ້າງພື້ນຖານໂຄງລ່າງຂອງສູນ ແລະ ໄດ້ຈັດສົ່ງພະນັກງານເຂົ້າຝຶກອົບຮົມ ຢູ່ພາຍ ໃນ ແລະຕ່າງປະເທດ ຢູ່ຕາມປະເທດເຊັ່ນ: ປະເທດໄທ ຈໍານວນ 15 ສະຫາຍ; ສິງກະໂປ 02 ສະຫາຍ; ສປຈີນ 02 ສະຫາຍ; ສປ ເກົາຫຼີ 01 ສະຫາຍ, ນອກຈາກນັ້ນແລ້ວຍັງຝຶກພາຍໃນ ທີ່ນະຄອນຫຼວງວຽງຈັນໃນຫົວຂໍ້: ຄູອາຊ່ຽນ ມີຜູ້ເຂົ້າຝຶກ ຈໍານວນ 04 ສະຫາຍ; ຮັບຮອງຫຼັກສູດສາຂາອາຊີບ ການບໍລິການອາຫານ ແລະເຄື່ອງດຶ່ມຈໍານວນ 02ສະຫາຍ; ສ້າງຫຼັກສູດສາຂາການບໍລິການ ແລະ ເຄື່ອງດຶ່ມ 04 ສະຫາຍ.

        ໃນໄລຍະ 03 ປີຜານມາກໍາມະບານຮາກຖານສູນພັດທະນາສີມືແຮງງານ ຂອງພວກເຮົາກໍ່ສາມາດຈັດຕັ້ງປະຕິບັດໄດ້ຫຼາຍດ້ານດັ່ງທີ່ໄດ້ສະຫຼຸບມານັ້ນ ເຊິ່ງມັນສະແດງອອກໃນການປະຕິບັດສໍາເລັດຜົນໃນຫຼາຍໆດ້ານ ແລະສາມາດຕີເປັນເປີເຊັນຂອງວຽກງານແດ່ລະດ້ານທີ່ກໍາມະບານຮາກຖານຂອງພວກເຮົາຕັ້ງໄວ້ 90% ສາມາດປະຕິບັດໄດ້ 93% ປະຕິບັດໄດ້ຫຼື່ນຄາດໝາຍ 3%.

ເຖິງແມ່ນວ່າ ຈະປະຕິບັດຫຼາຍດ້ານອັນຜົນເດັ່ນ ແຕ່ຍັງບາງດ້ານທີ່ຍັງສືບຕໍ່ປະຕິບັດເຊັນວ່າ: ການດຳເນີນຊີວິດປະຈໍາເດືອນຍັງບໍ່ໄດ້ດີ ແລະຕໍ່ເນື່ອງ ຍ້ອນພະນັກງານ ສະມາຊິກກໍາມະບານແຕ່ລະສະຫາຍ ມີຊົ່ວໂມງສອນ ຈິ່ງເປັນສາຍເຫດພາການດຳເນີນຊີວິດປະຈໍາເດືອນບໍ່ປົກກະຕິ ແລະບໍ່ຕໍ່ເນື່ອງ ການສຶກສາອົບໂຮມການເມືອງແນວຄິດໃຫ້ແກ່ພະນັກງານສະມາຊິກກໍາມະບານບໍ່ໄດ້ດີເທົ່າທີ່ຄວນ;

          ສຸດທ້າຍ, ສະຫາຍ ສົມສັກ ຄຳລ້ານ ປະທານຮ່ວມກອງປະຊຸມ ໃຫ້ຄຳເຫັນວ່າ:  ສະແດງຄວາມຊົມເຊີຍຜົນງານຂອງບັນດາສະຫາຍທີ່ຍາດມາໄດ້ໄລຍະ 3 ປີຜ່ານມາ; ສະມາຊິກກຳມະບານ ແລະມີບາງຈຸດທີເພິ່ນຢາກເພີ່ມເຕີມ ສະມາຊິກກຳມະບານພາກັນ ຈັດຕັ້ງປະຕິບັດພັນຂະຫຍາຍ ໃຫ້ຕິດພັນກັບວິຊາສະເພາະ ຕິດແທນຕາມຄວາມເປັນຈິ່ງ, ເປັນເຈົ້າການຜັນຂະຫຍາຍມະຕິຄຳສັ່ງ ຂອງຂັ້ນເທິງລົງເລິກວຽກງານວິຊາສະເພາະ ການຮຽນການສອນ ໃຫ້ໄດ້ຮັບຜົນຕາມທິດແຜນວາງໄວ້ໃຫ້ປະກົດເປັນຈິ່ງ.

ມາຮອດເວລາ 16:00 ນາທີ ພິທີໄດ້ປິດລົງເປັນທາງການ

ຂຽນໂດຍ: ວິໄລພັບ ຂັນຍາວົງ

ໃຫ້ຄຳຄິດເຫັນ

Please enter your comment!
Please enter your name here