ໃນຕອນແລງເວລາ 13:30 ນາທີ ຂອງວັນທີ 31 ຕຸລາ 2019 ນີ້ ໜ່ວຍກຳມະບານສູນພັດທະນາສີມືແຮງງານແຂວງອຸດົມໄຊ ໄດ້ຈັດຕັ້ງດຳເນີນຊີວິດການເມືອງປະຈຳເດືອນ 10 ຢ່າງເປັນທາງການ ຢູ່ທີ່ຫ້ອງປະຊຸມຂອງສູນພັດທະນາສີມືແຮງງານ ໂດຍການເປັນປະທານ ຂອງ ສະຫາຍ ພູວົງ ອິນທະວົງ ປະທານກຳມະບານສູນ, ຮອງອຳນວຍການ ມີບັນດາສະຫາຍສະມາຊິກກຳມະບານທົ່ວສູນເຂົ້າຮ່ວມຈໍານວນ 30 ສະຫາຍ, ຍິງ 7 ສະຫາຍ.
ໃນເບື້ອງຕົ້ນ ໜ່ວຍກຳມະບານສູນພັດທະນາມີມືແຮງງານ ໄດ້ຜ່ານບົດສະຫຼຸບການຈັດຕັ້ງປະຕິບັດ ເນື້ອໃຈຂໍ້ແຂ່ງຂັນ 5 ເປັນເຈົ້າປະຈຳປີ 2019 ແລະທິດທາງແຜນການປະຈຳປີ 2020 ແລະນຳພາດຳເນີນຊີວິດການເມືອງປະຈຳເດືອນ 10 ແລະແຜນການປະຈຳເດືອນ 11 ປີ 2019, ຕາມລະບຽບຂອງສະຫະພັນກຳມະບານລາວວາງອອກ ໂດຍສະເພາະໄດ້ຜ່ານບົດສະຫຼຸບ ແລະແຜນການດັ່ງກ່າວ ພ້ອມທັງໄດ້ປະກອບຄຳຄິດຄຳເຫັນຕໍ່ບົດສະຫຼຸບ ແລະແຜນ ທັງຍົກໃຫ້ເຫັນບາງດ້ານທີ່ຕັ້ງໜ້າ ແລະບາງຈຸດທີ່ຕ້ອງສືບຕໍ່ແກ້ໄຂ, ໄດ້ມີການຕຳນິສົ່ງຂ່າວເຊິ່ງກັນ ແລະກັນພາຍໃນຢ່າງກົງໄປກົງມາ, ສຸດທ້າຍກອງປະຊຸມໄດ້ເຫັນດີເປັນເອກະພາບ ຮັບຮ້ອງເອົາບົດສະຫຼຸບເດືອນ 10 ແລະແຜນເດືອນ 11 ປີ 2019.
ຈາກນັ້ນ, ຄະນະຈັດຕັ້ງພິທີ ໄດ້ແນະນຳການໃຫ້ຄະແນນ ຕາມຮ່າງແບບຟອມປະເມີນຕົນເອງ, ປະເມີນໝູ່ຄະນະ ຕາມລະບຽບການ 5 ເປັນເຈົ້າຂອງ ສະຫະພັນກຳມະບານວາງອອກ.
ມາຮອດເວລາ 16:30 ໂມງຈິ່ງໄດ້ອັດລົງຢ່າງເປັນທາງການ.
ຂຽນໂດຍ: ວິໄລພັບ ຂັນຍາວົງ
