ໜ່ວຍພັກສູນພັດທະນາສີມືແຮງງານແຂວງອຸດົມໄຊ ຈັດພິທີເລື່ອນສະມາຊິກພັກສຳຮອງເປັນສະມາຊິກພັກສົມບູນ ແລະດຳເນີນຊີວິດປະຈຳເດືອນ 10 ປີ 2018

ໃນຕອນແລງເວລາ 14:00 ໂມງ ຂອງວັນທີ 31​ ຕຸລາ 2018 ນີ້  ໜ່ວຍພັກອຳນວຍການສູນພັດທະນາສີມືແຮງງານ ໄດ້ຈັດພິທີເລື່ອນສະມາຊິກພັກສຳຮອງຂື້ນສົມບູນ ແລະດຳເນີນຊີວິກການເມືອງປະຈຳເດືອນ 10 ປີ 2018 ຢ່າງເປັນທາງການ ໂດຍເປັນປະທານ ຂອງ ສະຫາຍ ສົມພອນ ນາວຮືວ່າງ ຄະນະພັກຮາກຖານ ພະແນກແຮງງານ ແລະສະຫວັດດີການສັງຄົມແຂວງ, ເລຂາໜ່ວຍພັກສູນ, ມີບັນດາສະຫາຍຄະນະໜ່ວຍພັກ ແລະສະມາຊິກພັກທົ່ວສູນເຂົ້າຮ່ວມຈໍານວນ 10 ສະຫາຍ, ຍິງ 02 ສະຫາຍ.

ໜ່ວຍພັກສູນພັດທະນາສີມືແຮງງານແຂວງອຸດົມໄຊ ຈັດພິທີເລື່ອນສະມາຊິກພັກສຳຮອງເປັນສະມາຊິກພັກສົມບູນ ແລະດຳເນີນຊີວິດປະຈຳເດືອນ 10 ປີ 2018

ໃນເບື່ອງຕົ້ນ ໄດ້ດຳເນີນພິທີເລື່ອນສະມາຊິກພັກສຳຮອງຂື້ນສົມບູນ ຈຳນວນ 1 ສະຫາຍຄື: ສະຫາຍ ນ. ອຸລາ ພິລາພົນ (ອາຈານ ສອນ ສາຂາ ອາຊີບຊ່າງປຸງແຕ່ງອາຫານ ແລະການໂຮງແຮມ) ຕາມລະບຽບຂອງພັກວາງອອກເຊັ່ນ: ຜ່ານໃບສຳຫຼວດຕົນເອງ, ຜ່ານໃບຢັ້ງຢືນຮັບປະກັນຂອງສະມາຊິກພັກສົມບູນ (ຜູ່ຕິດຕາມ) 2 ສະຫາຍ, ຜ່ານມະຕິຕົກລົງເລື່ອນສະມາຊິກພັກສຳຮອງຂື້ນສົມບູນຂອງຂັ້ນເທິງ, ຮັບ ແລະໂອລົມຕໍ່ພິທີ ແລະປະຕິຍານຕົນ ເພື່ອເຂົ້າເປັນສະມາຊິກພັກສົມບູນ ແລະຈະສືບຕໍ່ພັດທະນາຕົນເອງໃຫ້ກາຍເປັນສະມາຊິກພັກທີ່ດີເດັ່ນ.

ຈາກນັ້ນ, ໜ່ວຍພັກໄດ້ນຳພາດຳເນີນຊີວິດການເມືອງປະຈຳເດືອນ 10 ໂດຍໄດ້ຜ່ານບົດສະຫຼຸບເດືອນ 10 ແລະແຜນການທິດທາງປະຈຳເດືອນ 11 ປີ 2018, ໄດ້ປະກອບຄຳຄິດຄຳເຫັນຕໍ່ບົດສະຫຼຸບ ແລະແຜນ  ທັງຍົກໃຫ້ເຫັນບາງດ້ານທີ່ຕັ້ງໜ້າ ແລະບາງຈຸດທີ່ຕ້ອງສືບຕໍ່ແກ້ໄຂ. ສຸດທ້າຍໄດ້ເປັນເອກພາບ ດັ່ງນີ້:

ໜ່ວຍພັກສູນພັດທະນາສີມືແຮງງານແຂວງອຸດົມໄຊ ຈັດພິທີເລື່ອນສະມາຊິກພັກສຳຮອງເປັນສະມາຊິກພັກສົມບູນ ແລະດຳເນີນຊີວິດປະຈຳເດືອນ 10 ປີ 2018

1). ຮັບຮອງເອົາບົດສະຫຼຸບເດືອນ 10 ແລະແຜນເດືອນ 11 ປີ 2018;

2). ຮັບຮອງເອົາມະຫາຊົນກ້າວໜ້າ 03 ​ສະຫາຍ ເພື່ອສະເໜີເຂົ້າຮຽນເອກະສານສະໜັບສະໜູນຂອງພັກ;

3). ປະເມີນ ການເຄື່ອນໄຫວຂອງໜ່ວຍພັກ ແລະສະມາຊິກພັກປະຈຳປີ 2018 ສົ່ງໃຫ້ຂັ້ນເທິງ ບໍ່ໃຫ້ກາຍວັນທີ 25 ພະຈິກ 2018.

ມາຮອດເວລາ 17:00 ໂມງ ກອງປະຊຸມໄດ້ອັດລົງຢ່າງເປັນທາງການ.

ໃຫ້ຄຳຄິດເຫັນ

Please enter your comment!
Please enter your name here