ພິທີເລື່ອນສະມາຊິກພັກສໍາຮອງຂຶ້ນເປັນສົມບູນ, ຮັບມະຫາຊົນກ້າວໜ້າ ເຂົ້າເປັນສະມາຊິກພັກສໍາຮອງ ແລະ ເຜີຍແຜ່ມະຕິຕ່າງໆຂອງຂັ້ນເທິງ
ໃນຕອນເຊົ້າເວລາ 8:00 ນາທີ ຂອງວັນທີ 4 ກຸມພາ 2022 ນີ້ ໜ່ວຍພັກສູນພັດທະນາສີມືແຮງງານແຂວງອຸດົມໄຊ ໄດ້ຈັດພິທີເລື່ອນສະມາຊິກພັກສໍາຮອງຂຶ້ນສົມບູນ, ຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ ແລະ ເຜີຍແຜ່ມະຕິຕ່າງໆຂອງຂັ້ນເທິ່ງ ພິທີດັ່ງກ່າວໄດ້ເປີດຢ່າງເປັນທາງການໃນເວລາ 8:30 ຢູ່ທີ່ຫ້ອງປະຊຸມຂອງສູນພັດທະນາສີມືແຮງງານ ໂດຍພາຍໃຕ້ໃຫ້ກຽດເປັນປະທານຂອງ ສະຫາຍ ນາງໄຊສະຫວັນ ນັນທະໄຊ ກຳມະ ການພັກແຂວງ, ເລຂາຄະນະພັກຮາກຖານ, ຫົວໜ້າພະແນກ ຮສສ ແຂວງ ມີບັນດາສະຫາຍຄະນະໜ່ວຍພັກ ແລະ ສະມາຊິກພັກທົ່ວສູນເຂົ້າຮ່ວມຈໍານວນ 26 ສະຫາຍ, ຍິງ 5 ສະຫາຍ.
ໃນເບື້ອງຕົ້ນ ກອງປະຊຸມໄດ້ຈັດພິທີເລື່ອນສະມາຊິກສຳຮອງຂຶ້ນສົມບູນ ຈຳນວນ 3 ສະຫາຍ, ຍິງ 0 ສະຫາຍ
ຜ່ານມະຕິຕົກລົງ ຂອງຂັ້ນເທິງ, ພ້ອມນັ້ນ, ໃນພິທີໄດ້ຮັບກຽດໂອ້ລົມ ຂອງສະຫາຍ ເລຂາຄະນະພັກຮາກຖານ ເຊີ່ງສະຫາຍເນັ້ນກົດລະບຽບຂອງພັກປະຊາຊົນປະຕິວັດລາວ ແລະ ຂໍ້ຫ້າມຂອງສະມາຊິກພັກໃນນັ້ນສະຫາຍເລຂາໄດ້ເນັ້ນຫຼາຍບັນຫາທີ່ສຳຄັນໂດຍສະເພາະແມ່ນສະມາຊິກພັກສຳຮອງ ແລະ ສົມບູນໄໝ່ ໃຫ້ເຂົ້າໃຈເຖິງທາດແທ້ຂອງການເປັນສະມາຊິກພັກປະຊາຊົນປະຕິວັດລາວ ໃນການພັດທະນາຕົນເອງໃຫ້ກາຍເປັນສາມາຊິກພັກທີ່ດີເດັ່ນ, ເຂັ້ມແຂງເພື່ອແບກຫາບພາລະກິດໃນການສ້າງສາພັດທະນາປະເທດຊາດໃຫ້ມີຄວາມຈະເລີນກ້າວໜ້າ ໂດຍສະເພາະແມ່ນໜ້າທີ່ວຽກງານທີ່ໄດ້ຮັບການມອບໝາຍຂອງຂັ້ນເທິງກໍຄືການຈັດຕັ້ງຂອງຕົນ ໃຫ້ມີຄວາມສຳເລັດພ້ອມທັງຮັບປະກັນຄຸນນະພາບ.
ຫຼັງຈາກຮັບຟັງການໂອ້ລົມຂອງຂອງສະຫາຍເລຂາຄະນະພັກຮາກຖານສຳເລັດແລ້ວ ສະຫາຍ ວິໄລພັບ ຂັນຍາວົງ ຕາງໜ້າສະມາຊິກພັກສົມບູນ ແລະ ສໍາຮອງໃໝ່ ຂື້ນຮັບຄໍາໂອວາດ.
ຂຽນໂດຍ: ອຈ ສີວິໄລຊົ່ງ ປັດໃຈ
